تھلسدھو (یو این آئی) ہندوستان نے مالدیپ کے تھلسدھو میں منعقدہ ایشین سرفنگ چیمپئن شپ 2024 میں ٹیم ایونٹ مروہبا کپ میں چاندی کا تمغہ جیتا۔
اتوار کو کھیلے گئے فائنل میچ میں جاپان نے 58.40 کے بڑے مارجن سے ہندوستان سے گولڈ میڈل جیتا۔ جس میں ہندوستان نے 24.13 کا اسکور ریکارڈ کیا۔ جبکہ چینی تائپے (23.93) اور چین (22.10) بالترتیب تیسرے اور چوتھے نمبر پر رہے۔
اس سے قبل کمالی پی، اجیش علی، سری کانت ڈی اور سنجے سیلوامانی کی ہندوستانی ٹیم نے ہیٹ 2 سیمی فائنل میں 32.16 کے مجموعی اسکور کے ساتھ پہلا مقام حاصل کیا تھا۔
چائنیز تائپے نے ایونٹ کے سیمی فائنل میں ٹیم کے اسکور 29.70 کے ساتھ دوسرے جبکہ جنوبی کوریا 27.74 کے اسکور کے ساتھ تیسرے نمبر پر رہا۔
ایشیائی کھیلوں کے لیے سرفنگ میں اپنا پہلا کوٹہ حاصل کرنے کے ایک دن بعد ہندوستان نے ہفتہ کو چاندی کا تمغہ جیتا تھا۔
اس کے ساتھ ہی ہندوستانی مرد اور خواتین کی سرفنگ ٹیمیں جاپان کے ایچی ناگویا میں منعقد ہونے والے ایشین گیمز 2026 میں مقابلہ کریں گی۔
ہریش متھو نے ایشین سرفنگ چیمپئن شپ میں بھی اپنی کارکردگی سے سب کو متاثر کیا۔ وہ ایک سخت مقابلے میں پیچھے رہنے سے پہلے کوارٹر فائنل کے لیے کوالیفائی کرنے والے پہلے ہندوستانی بنے۔
