نئی دہلی :31اکتوبر /سماج نیوز سروس ۔
جب سے اسرائیل او رحماس کے درمیان جنگ شروع ہوئی ہے مسلمانوں سے اپنی باہمی نفرت کی بنیاد پر ہندوستان کے دائیں بازو کی جانب سے اسرائیل کی حمایت کی جارہی ہے ۔حالانکہ اسے بیگانی شادی میں عبداللہ کی دیوانگی کے سوا اور کچھ نہیں کہینگے لیکن یہ ہو رہا ہے ۔
حیدرآباد میں دائیں بازو نظریہ سے متاثر ایک 30سالہ شخص کی 29اکتوبر کو ہارٹ اٹیک سے موت ہو گئی جو اشتعال انگیز کیپشن کے ساتھ فلسطیینی بچوں کے میمز بنا کر سوشل میڈیا پر پوسٹ کیا کرتا تھا ۔
اس کے بنائے ہوئے میمز کو بڑے پیمانے پر دیگر ہندوتوا تنظیموں نے شیئر بھی کیاہے۔ حماس اوراسرائیل کے مابین 7اکٹوبر سے جاری تناؤ کے بعد سے دائیں بازو ٹرولرز کی جانب سے سوشیل میڈیا پر فلسطین مخالف معلومات میں اضافہ ہوا ہے جس میں اکثر جانکاری اسلام سے نفرت پرمشتمل ہے۔ یہ دیکھا جا رہا ہے کہ بیان بازی کیپشن اور میمز کااستعمال کرتے ہوئے نہ صرف فلسطینی مسلمانوں بلکہ ہندوستانی مسلمانوں کو بھی نشانہ بنایاجارہا ہے۔
نفرت انگیز میمز میں سے ایک میں اس شخص نے ایک معصوم فلسطینی لڑکے کی تصویر لی جو اسرائیل کے فضائی حملے میں شدید زخمی ہوگیاہے اور اس تصویر پر لکھا کہ "فئیر اینڈ لولی”
ایک اور پوسٹ میں اس نے ایک فلسطینی معصوم کی مسخ شدہ نعش کا استعمال کیا اورلکھا "اضافہ پاؤ لانا(اضافی پاؤں لانا)”۔اس کے 29اکتوبر کے روز انتقال پر کئی سوشل میڈیا صارفین نے اسے "بے باک ہندوتوا” کی آواز کہہ کر خراج پیش کیا اور غم کا اظہار کیا۔
لیکن بہت سارے انٹرنیٹ صارفین
نے لوگوں سے نرم لہجہ اختیار کرنے اور "نفرت پھیلانا روکنے” کی اپیل کی۔ ایک دن قبل بدسلوکی کرنے والے ایک صارف نے "فلسطینی کے ٹوٹے ہوئے پاؤں” کا مذاق اڑاتے ہوئے لکھا کہ "ایک پاؤ اور لانا "
ایک اور صارف نے لکھا کہ "ائی اے ایس اسموکنگ کی آج موت ہوگئی۔ زندگی غیر متوقع ہے۔ نرمی اختیار کریں۔ نفرت نہ پھیلائیں”۔
ایک او رصارف نے لکھاکہ "اپنے کام آپ کوسختی میں ڈالتا ہے۔ اسموکنگ اسکلس ایک موزوں مثال ہے”۔]
ایک اور صارف نے لکھا کہ "سنگھی اس قدر گھٹیا ہیں کہ وہ اسموکنگ اسکلس کے لئے انصاف کی مانگ شروع کرسکتے ہیں اور فرقہ وارانہ نفرت پھیلانے کی غرض سے ہر چیز کا الزام دوسروں پر ڈال سکتے ہیں ۔
ایک اور ایکس صارف نے کہاکہ”یہ شخص ائی اے ایس اسموکنگ اسکلس جس نے فلسطینیوں کا مذاق اڑایا اب نہیں ہے۔ بھگوان اس کی آتما کوشانتی دے۔ زندگی پوری گول ہے اورکرما غیر متوقع ہیں۔ نرم رہیں اور ایک دوسرے کااحترام کریں”
ایک اور صارف نے لکھا کہ ”اسموکنگ اسکلس اب نہیں ہے؟اس کو ایک نفرت پھیلانے والے طور پر ہمیشہ یاد کیاجاتا رہے گا۔
تاہم ایسے کئی ہیں جنہوں نے متوفی کو خراج پیش کیا۔ ہندوتوا حامیوں نے ایکس پر سلسلہ وار پوسٹ کئے جس میں سے ایک ہندوتوا حامی نے اس فرد کوخراج پیش کیااور لکھا کہ "اسموکنگ اسکل کے گذر جانے کی خبر صدمہ اور چوکنا کر دینے والی ہے”۔
شدید دائیں بازو "میڈیا ہاوز” او پی انڈیا کی ایڈیٹر ان چیف نوپور جے شرما نے بھی اس کی موت پر اظہار رنج کیا
بی جے پی کے قومی ترجمان شہزاد پونا والا نے بھی دائیں بازو سے متاثر اس شخص کوخراج عقیدت پیش کیا
حال ہی میں ایک معروف دائیں بازو میڈیا سدرشن ٹی وی کے سربراہ سریش چوہان کے نے اسرائیل سے اپنی ہمدردی کااظہار کرتے ہوئے کہاتھا کہ یہودی دراصل ہندو ہیں اور ان کا تعلق یادو برادری سے ہے۔
مسلمانوں کی نسل کشی اور مسلم خواتین کے خلاف قابل اعتراض الفاظ کے استعمال کے خلاف چوہان کے پر 50کے قریب ایف ائی آر درج ہیں۔ لیکن اس کی کبھی گرفتاری عمل میں نہیں ائی کیونکہ بی جے پی لیڈران کے ساتھ اس کی کافی قربت ہے۔یا یہ کہا جائے کہ وہ آر ایس ایس اور بی جے پی کے پے رول پر ہے اور مسلمانوں کے خلاف نفرت پھیلانے کے پروجیکٹ پر کام کرتا ہے ۔یہی وجہ ہے کہ سردشن چینل ہو یا چانکے اس پر کوئی کارروائی نہ ہوتی ہے نہ ہوگی ۔
