سوشل میڈیا پلیٹ فارموں کا غلط استعمال کے سلسلے میں درج کیس کی تحقیقات

سرینگر،20؍جون،سماج نیوز سروس:(بلال مولوی)سوشل میڈیا پلیٹ فارموں کا غلط استعمال کے سلسلے میں درج کیس کی تحقیقات کے سلسلے میں سٹیٹ تحقیقاتی ایجنسی ( ایس آئی اے ) نے سرینگر سمیت وادی کے کئی علاقوں میں چھاپے ڈالیں اور تلاشیاں لی جس دوران قابل اعتراض مواد بر آمد کر لیا گیا۔تفصیلات کے مطابق سٹیٹ تحقیقاتی ایجنسی ( ایس آئی اے ) نے سوشل میڈیا کے غلط استعمال کے سلسلے میں ایس آئی اے / سی آئی کے میں درج ایک کیس کے سلسلے میں سرینگر سمیت وادی کے دیگر علاقوں میں چھاپے ڈالیں۔ معلوم ہوا ہے کہ ایس آئی اے کے اہلکاروں نے پولیس اور سی آر پی ایف اہلکاروں کے ہمراہ سرینگر ، کپواڑہ ، پلوامہ اور اننت ناگ سمیت چھ مقامات پر چھاپے ڈالیںجس دوران انہوں نے وہاں تلاشیاں لی ۔ اس ضمن میں ایس آئی اے کی جانب سے جاری کردہ ایک بیان کے مطابق کپواڑہ، اننت ناگ، پلوامہ اور سرینگر میں چھ مقامات پر سے تلاشی لی گئی ۔ بیان میں کہا گیا کہ یہ تلاشیاں غیر قانونی اور علیحدگی پسند سرگرمیوں کیلئے سوشل میڈیا پلیٹ فارم کے غلط استعمال سے متعلق پولیس اسٹیشن ایس آئی اے کے ایف آئی آر نمبر 05/2023کے معاملے میں جاری تحقیقات کے حصے کے طور پر کی گئیں۔ یہ مقدمہ ایس آئی اے کشمیر نے ملک بھر میں مقیم سوشل میڈیا اداروں کی جانب سے غیر ملکی ساتھیوں کے ساتھ مل کرملک کے خلاف نفرت پھیلانے اور عسکریت پسندانہ سرگرمیوں کو فروغ دینے کے حوالے سے درج کیا تھا۔ترجمان کے مطابق ایس آئی اے اہلکاروں کی جانب سے صبح سے پہلے کی جانے والی تلاشیوں کا مقصد مختلف سوشل میڈیا پلیٹ فارمز کے ذریعے علیحدگی پسند، بھارت مخالف جذبات پھیلانے میں ملوث افراد اور گروہوں کو بے نقاب کرنا تھا۔