نئی دہلی،30؍مئی،سماج نیوز سروس:ملک کے ہر مسئلے پر کھل کر بات کرنے والے بالی ووڈ کے معروف اداکار نصیر الدین شاہ نے حال ہی میں ملک میں بڑھتے ہوئے ‘اسلامو فوبیا’ پر کھل کر بات کی۔ انہوں نے ایک انٹرویو کے دوران کہا کہ مسلمانوں کے خلاف نفرت ایک فیشن بن گیا ہے، جسے حکومت بہت چالاکی سے پھیلا رہی ہے۔انڈین ایکسپریس کو انٹرویو دیتے ہوئے نصیرالدین شاہ نے کہا، ‘یقیناً، یہ تشویشناک وقت ہے۔ اس وقت ملک میں ایک مخصوص مذہب کے خلاف پروپیگنڈہ کیا جا رہا ہے۔ڑھے لکھے لوگوں میں بھی مسلمانوں سے نفرت کرنا فیشن بن گیا ہے۔ حکمران جماعت نے بڑی چالاکی سے یہ بیانیہ ترتیب دیا ہے۔ ہم سیکولر اور جمہوریت کی بات کرتے ہیں تو آپ ہر چیز میں مذہب کو کیوں متعارف کروا رہے ہیں؟نصیر الدین شاہ نے مزید کہا کہ کچھ فلمیں اور شوز کو پروپیگنڈے کے طور پر استعمال کیا جا رہا ہے اور اسلامو فوبیا کو الیکشن میں ووٹ حاصل کرنے کے لیے استعمال کیا جا رہا ہے۔ انہوں نے کہا کہ الیکشن کمیشن ان لیڈروں کے سامنے خاموش تماشائی بنا ہوا ہے جو ووٹ حاصل کرنے کے لیے مذہب کا سہارا لے رہے ہیں۔ میرا مطلب ہے کہ ہمارا الیکشن کمیشن کتنا ریڑھ کی ہڈی والا ہے؟ جو ایک لفظ بھی کہنے کی ہمت نہیں رکھتا۔ کوئی مسلمان لیڈر اللہ اکبر کہہ کر ووٹ مانگے تو پوری تباہی مچ جاتی ہے۔ نصیرالدین شاہ نے مزید کہا کہ ہمارے وزیر اعظم بھی آج کل یہ سب چیزیں استعمال کرتے ہیں لیکن پھر بھی ہار جاتے ہیں۔ اس لیے مجھے امید ہے کہ یہ ختم ہو جائے گا۔ لیکن اس وقت یہ یقینی طور پر اپنے عروج پر ہے۔ جو اس حکومت نے بہت چالاک کارڈ کھیلا ہے اور اس نے کام کیا ہے۔ دیکھتے ہیں یہ کب تک کام کرتا رہتا ہے۔
