ناگپور، پریس ریلیز،ہماراسماج:جمعیۃ علماء ناگپور کے زیر اہتمام کارکنان جمعیۃ کا یک روزہ تربیتی ورکشاپ اور جلسہ اصلاح معاشرہ زیر صدارت فخر مہاراشٹر مولانا حافظ محمدندیم صدیقی صدر جمعیۃ علماء مہاراشٹر منعقد ہوا،جس میں علاقہ بھر سے ذمہ داران، اراکین، خدام جمعیۃ اور عوام الناس نے کثیر تعداد میں شرکت کی۔ پروگرام تین حصوں پر مشتمل تھا۔ پروگرام کا آغاز بدست صوبائی صدر مولانا حافظ محمد ندیم صدیقی کےپرچم کُشائی سے ہوا، جس کے بعدصبح نو بجےتربیتی ورکشاپ چمن مسجد امان اللہ سیٹھ میں منعقد ہوا، بعدنماز ظہر دو مختلف مقامات کمپاؤنڈ مسجد امان اللہ سیٹھ اور مدرسہ حفظ الایمان نئی بستی ،ناگپور میںخواتین کے لیے خصوصی نشستیں ہوئیں،، بعد نماز عشاء مسجد امان اللہ سیٹھ میں قاری عدنان دانش کی تلاوت سے اور مولانا ریاض الدین کی نظامت میں اجلاس عام کا آغاز ہوا۔ تربیتی نشست سے خطاب کرتے ہوئے مولانا ندیم صدیقی نےکہا کہ جمعیۃ علماء کا قیام خالصتاً اخلاص کی بنیاد پر عمل میں آیا تھا،انہوں نے اس بات پر زور دیا کہ جمعیۃ علماء کے ذمہ داران کو اپنے اندر صفات نبوی پیدا کرنی چاہئیں، جیسے لوگوں کو جوڑنا، دوسروں کا بوجھ اٹھانا اور مہمان نوازی کرنا، جو کہ اکابرین کا بھی وطیرہ رہا ہےانہوں نے کارکنان کو نصيحت کی کہ اکابرین کے مشن کو آگے بڑھانے کے لیے ذمہ داری کے احساس کے ساتھ ساتھ اخلاص، اطاعت اور نظم و ضبط کی پابندی بے حد ضروری ہے۔اجلاس عام سےخطاب کرتے ہوئےمقرر خصوصی ومبلغ دارالعلوم دیوبند مولانا محمد عرفان قاسمی نےکہاکہ آج امت میں کچھ گناہیںعام ہو چکے ہیں جیسے خیانت، زناکاری، ناپ تول میں کمی،جب قوم خیانت کی عادی ہو جاتی ہے تو اللہ ان کے دلوں میں رعب اور خوف پیدا کر دیتے ہیں، زناکاری کے عام ہونے سے موت کی کثرت ہو جاتی ہے، ناپ تول میں کمی سے رزق میں کمی اور تنگی کر دی جاتی ہے، صحت مند معاشرہ کے لئے ان گناہوں سے بچنا ضروری ہے،مفتی محمد روشن شاہ قاسمی صدر دینی تعلیمی بورڈ جمعیۃ علماء مہاراشٹر نے کہاکہ سب سے پہلی وحی "اقراء” نازل ہوئی یعنی اللہ نے سب سے پہلے پڑھنے کا حکم دیالہذا علم کے بغیر نہ دنیا مل سکتی ہے اور نہ ہی آخرت بن سکتی ہے، مولانا محمد ابراہیم قاسمی جنرل سکریٹری جمعیۃ علماء مہاراشٹرنےکہاکہ معاشرے کی اصلاح کے لئے ایمانی تربیت، اخلاقی تربیت، جسمانی تربیت، نفسیاتی تربیت، عقلی تربیت بے حد ضروری ہے۔ ہمارے نوجوان تربیت کی کمی کے باعث ہی نشہ اور ارتداد کا شکار ہو رہے ہیں اس لئے ہمیں زندگی کے ہر شعبہ میں سنت کا اہتمام کرنا چاہیے، مفتی عبد الرحمن اشرفی جنرل سکریٹری جمعیۃ علماء مراٹھواڑہ نے اصلاح معاشرہ پر زور دیا اور شادی بیاہ کے موقع پر ہونے والی خرافات پر نکیر کی۔مزید برآں جمعیۃ علماء کے مقامی ذمہ داران و علماء کرام نے بھی اجلاس عام سے خطاب کیا۔ اس اجلاس کو کامیاب بنانے میںمولانا سراج احمد قاسمی صدر جمعیۃ علماء ناگپور،جناب محمد سلیم انصاری جنرل سکریٹری جمعیۃ علماء ناگپور، جناب عبدالمعبود، جناب جناب امتیاز الدین،حافظ ریاض الدین، جاوید اختر،قاری مسعود احمدگونڈوی،فاروق قیصربالخصوص نوجوان طبقہ و دیگر مقامی کارکنان نے اہم رول ادا کیا۔
