میوات کے2 طلباء کو پی ایچ ڈی کی ڈگری ملنے پر علاقہ میں خوشی

محمد زاہد امینی
نوح،میوات،18جولائی،سماج نیوز سروس: ملک کے پسماندہ ترین اضلاع میں شامل خطہ میوات کے دو طلباء نے پی ایچ ڈی کی

ڈگری حاصل کر اپنے اساتذہ ، والدین و علاقہ کے نام کو ملکی سطح پر روشن کرنے کا کام کیا ہے۔ جواہر لال نہرو یونیورسٹی دہلی میں شعبہ اردو کے ریسرچ اسکالر محمد ریاض ابن مولانا بشیر احمد قاسمی ساکن نگینہ، امام نگر کو جہاں ان کے تحقیقی مقالہ بعنوان ’منتخب انگریزی ۔اردو منظوم تراجم کا تنقیدی مطالعہ (20 ویں صدی کے خ

صوصی حوالے سے )‘ پی ایچ ڈی کی ڈگری تفویض کی ہے۔ متعلقہ موضوع پر تحقیق کرنے والے محمد ریاض ہندوستان کے دوسرے مقالہ نگار ہیں۔ وہیں ریحانہ

عمران میو ٔ بنت ڈاکٹر شوکت ساکن کٹھومر ٹٹپوری کو بابا شوبھا رام کالج الور کی پروفیسر ڈاکٹر رینومتل کی نگرانی میں ’راجستھان کی سیاست میں میؤ قوم کی شراکت داری‘ کے مطالعہ کے موضوع پر تحقیقی کام مکمل کیا ہے ۔ محمد ریاض کا تعلق صوبہ ہریانہ کے ضلع نوح کے چھوٹے سے گاؤں امام نگر سے ہیں ،لیکن انہوںنے اپنی ابتدائی تعلیم دہلی کے مدرسہ حسین بخش اور جامع مسجد سینئر سیکنڈری اردو میڈیم اسکول سے حاصل کرنے کے بعد اعلیٰ تعلیم ذاکر حسین کالج دہلی ، جامعہ ملیہ اسلامیہ و جواہر لال نہرو یونیورسٹی سے حاصل کی ہے۔ وہیں ریحانہ عمران میؤ کا تعلق صوبہ راجستھان کے خطہ میوات کے کٹھومر حلقہ سے ہے۔ ریحانہ کے والد ڈاکٹر شوکت بابو شوبھا رام کالج الور سے پروفیسر ریٹائر ہیں۔ دونوں طلباء کے کو پی ایچ ڈی کی ڈگری ملنے سے علاقہ میں خوشی کا ماحول ہے۔ اس نمایاں کامیابی پر علاقہ کی سرکردہ شخصیات و محبین اردو جن میں ماسٹر ساہون محمد کاٹپوری، محمدارشد الور، پروفیسر ڈاکٹر افسانہ خان ، مفتی تعریف سلیم ندوی، ڈاکٹر قمرالدین ذاکر نوح، تنظیم فروغ اردو میوات کے صدر محمد صدیق سنابلی ، نائب صدر خالد گھاسیڑہ، خازن ماسٹر اسلم ، جوئنٹ سکریٹری حافظ عمران وغیرہ نے کی طرف سے مبارکباد پیش کرتے ہوئے دونوں طلباء کے تئیں نیک خواہشات کا اظہار کیا ہے۔