ناظم بیگ
بلند شہر 5؍ ستمبر، سماج نیوز سروس:سا بق پردھان کے قتل کے الزام میں فرار چل رہے بد معاشوں سے سلیم پور تھانہ پو لیس کی مڈبھیڑ ہوگئی جس میں ایک بد معاش گولی لگنے سے زخمی ہوگیا جبکہ اس کے دو سا تھی بد معاش گنے کے کھیت میں روپوش ہوکر فرار ہونے میں کا میا ب ہوگئے ۔جنھیں تلاش کیا جارہا ہے ۔پکڑے گئے بد معاش کے پاس سے ایک طمنچہ مع کارتوس اور ایک با ئک بر آمد ہوئی ہے ۔ بلند شہر ایس ایس پی شلوک کمار نے بتایا کہ سلیم پور تھانہ پو لیس علاقے کے گائوں چٹا کے گیٹ کے پاس مشکوک افراد اورگاڑیوں کی چیکنگ پرمامور تھی ۔اسی دوران با ئک سوار تین مشکوک افراد کو آتا ہوا دیکھ کر انھیں رکنے کا اشارہ کیا تو وہ پو لیس پر فا ئر نگ کرتے ہوئے تیزی سے سلیم پور کی طر ف بھاگنے لگے ۔پو لیس کے ذریعہ پیچھا کرنے پر بد معاشوں کی با ئک پھسل کرگر گئی ،جس سے بد معاشوں نے خود کوگھرتا ہوا دیکھ پو لیس پردوبارہ فائر نگ کردی ۔اس کے بعد پو لیس کی طر ف سے کی گئی جوابی فائرنگ میں ایک بد معاش گولی لگنے سے زخمی ہوگیا ۔جبکہ اس کے دو سا تھی بد معاش فرار ہونے میں کا میا ب ہوگئے ۔پو لیس نے پکڑے گئے بد معاش کا نام ببلو عرف بلویر ولد بھگونت ساکن مو ضع منصور پور تھانہ ارنیا بتایاہے ۔وا ضح ہوکہ گذشتہ ماہ یعنی 30اگست کو ملزم ببلو عرف بلویر نے اپنے دیگر ساتھیوں کے ہمراہ مل کر تھانہ احمد گڑھ علاقہ کے مو ضع ڈھک نگلہ کے رہنے والے سا بق پردھان 55سا لہ رام ویر کشیپ کا اس وقت گولی مارکر قتل کردیا تھا جب وہ اسکو ل میں بچوں کو چھوڑ کر واپس گھر لوٹ رہے تھے ۔اس واردات میں سا بق پردھان کی مو قع پر ہی موت ہوگئی تھی ۔ ایس ایس پی شلوک کمارکے مطا بق واردات کے انکشاف اور بد معاشوں کا پتہ لگانے کے لیے پو لیس کی چھ ٹیمیں تشکیل دی گئی تھیں ۔
