نئی دہلی، دہلی کے فوڈ اینڈ سپلائیز کے وزیر عمران حسین نے آج عیدگاہ میں 24 سے 27 فروری 2023 کو ہونے والے اجتماع کی تیاریوں کے سلسلے میں ایک اعلیٰ سطحی میٹنگ کی۔ میٹنگ میں علاقے کے کونسلر کے ہمراہ ڈی ڈی ایم اے، ڈی یو ایس آئی بی، ڈی جے بی، ایم سی ڈی، محکمہ صحت، فائر سروسز، بی ایس ای ایس،دہلی پولیس، پی ڈبلیو ڈی اور دیگر متعلقہ محکموں کے افسران بھی موجود تھے۔وزیر عمران حسین نے عہدیداروں کو ہدایت کی کہ وہ عید گاہ کے اطراف کی سڑکوں اور گلیوں میں صفائی ستھرائی کو یقینی بنائیں۔ وزیر نے ایم سی ڈی کو ہدایت دی کہ وہ تقریب کے دوران عیدگاہ کے اطراف کی گلیوں کو صاف کرنے کے لیے صفائی ستھرائی کے مناسب کارکنوں کو تعینات کریں۔وزیر عمران حسین نے کہا کہ اجتماعی پروگرام میں تقریباً 4 سے 5 لاکھ افراد کی آمد متوقع ہے۔ زائرین کی سہولت کے لیے وزیر نے DUSIB حکام کو ہدایت کی کہ وہ اجتما کے آغاز سے قبل ترجیحی بنیادوں پر 12 ٹوائلٹ بلاکس کا بندوبست کریں۔اس کے علاوہ انہوں نے دہلی جل بورڈ کے عہدیداروں کو بھی ہدایت دی کہ وہ تقریب کے دوران مناسب نکاسی آب اور صاف پانی کی مناسب فراہمی کو یقینی بنائیں۔ وزیر عمران حسین نے کہا کہ عیدگاہ کے قریب پانی کے ٹینکرز کا انتظام بھی یقینی بنایا جائے تاکہ تقریب کے دوران شرکاء کو پانی فراہم کیا جا سکے۔متعلقہ مسائل کا سامنا نہ کرنا پڑے۔ انہوں نے بی ایس ای ایس کو ہدایت دی کہ وہ تقریب کے دوران پرفیکٹ ہائی ماسٹ لائٹس سمیت روشنی کے مناسب انتظامات کو یقینی بنائیں۔اجلاس کے دوران اجتما کے شرکاء کو ضروری اور ہنگامی خدمات (مثلاً میڈیکل کیمپ، ایمبولینس، فائر پروٹیکشن، پینے کے پانی، بیت الخلاء ، خیمے، لائٹس، سیکورٹی وغیرہ) فراہم کرنے کی تیاریوں پر بھی تبادلہ خیال کیا گیا۔ وزیر نے پنڈال کے ارد گرد ڈیزاسٹر مینجمنٹ ٹیم اور سول ڈیفنس کے اہلکاروں کی مناسب تعداد کو تعینات کرنے کا بھی حکم دیا۔رضاکاروں کی تعیناتی کی ضرورت پر بھی زور دیا گیا۔وزیر عمران حسین نے کہا کہ دہلی حکومت تقریب کے دوران تمام ضروری اور بنیادی سہولیات جیسے پینے کا پانی، بجلی کی مناسب فراہمی، امن و امان کو یقینی بنانے، صفائی ستھرائی اور اسٹریٹ لائٹس فراہم کرنے کے لیے پرعزم ہے۔ اس کے علاوہ 24 گھنٹے ہیلتھ کیمپ اور ایمبولینس، فائر بریگیڈ، لاء اینڈ آرڈر،سیڑھیوں اور فرش کی مرمت، پھولوں کے گملوں کے انتظامات سمیت اردگرد کے علاقے کو سرسبز بنانے کی بھی ہدایات جاری کی گئیں۔
