سماج نیوز سروس: جمعیۃالاصلاح مہد الفردوس الرحمانی کی جانب سے معہدکے کانفرنس ہال میں النادی العربی کا افتتاحی جلسہ منعقد کیا گیا۔جس کی صدارت معہد کے منیجر جناب مولانا ڈاکٹر عطائو الرحمن اعظمی ندوی نے فرمائی صدر محترم نے اپنے صدارتی خطبہ میں فرمایا کہ اپنے اخلاق کو درست کیجئے فائدہ پہونچانے والے بنئے نہ کہ فائدہ اٹھانے والے اور اس بات کا خیال رہے کہ اپنی کسی حرکت سے اسلام کا نام بدنام نہ ہو ۔اللہ تعالی نے آپ سب کو دین کے لئے چن لیا ہے ۔جو وقت آپ کو ملا ہے اس سے فائدہ اٹھایئے عربی زبان میں اختصاص پیدا کیجئے اپنے اساتذہ سے فائدہ اٹھائیے النادی العربی میں پوری رغبت اور دلچسپی کے ساتھ حصہ لیجئے تاکہ کل مستقبل میںبہترین خطیب بن سکیں۔
اس موقع پر معہد ہذا کے مہتمم جناب مولانا عبدالباری ندوی مربی الاصطلاح جناب مولاناڈاکٹر مہدی حسن خاںندوی معتمد تعلیمات جناب مولانا اسرار الحق ندوی جناب مولانا فضیل احمد ندوی وغیرہ موجود تھے ۔جناب مولانا عبد الباری ندوی کی دعا پرجلسہ اختتام پذیر ہوا۔اس سے قبل تلاوت کلام اللہ سے ناظم جمعیۃ الاصلاح محمد عامر شاداب نے جلسہ کا بابرکت آغاز کیا۔محمد سعد نے نعت پاک کا نذرانہ پیش کیا ۔نظامت کے فرائض معتمد النادی العربی محمد اشتیاق نے انجام دیئے۔
