مدرسہ صدیقیہ حفظ القرآن خواجہ سلطان کا پانچواں عظیم الشان سالانہ جلسے میں حافظہ قرۃ العین کاانوکھے انداز میں حفظ

بیدر، حافظ محمد اسماعیل حسین کاظم ناظم مدرسہ صدیقیہ حفظ القرآن خواجہ سلطان کی اطلاع کے بموجب مدرسہ صدیقیہ حفظ القرآن خواجہ سلطان کا پانچواں سالانہ جلسہ نظام فنکشن ہال بیدر میں بروز پیر 20 فروری کو انعقاد عمل میں آیا ۔جس میں حضرت مولانا پی ایم مزمل رشادی والا جاہی کا پُر مغز خطاب ہوا۔ امسال حفظ مکمل کرنے والے 25 طلبہ و طالبات کی دستاربندی و خمار بندی کی گئی۔ جس میں ایک طالبہ حافظہ فاطمہ قرۃالعین بنت مرزا فاروق اللہ بیگ نے قرآن مجید کو اس ترتیب سے یا د کیا کہ کہیں سے کوئی قرآن کاصفحہ نمبر یا پارہ کا رکوع نمبر یا سورہ کا رکوع نمبر بولتے ہی طالبہ وہاں سے پڑھنا شروع کر دیتی تھی ۔ طالبہ کا جائزہ مولانا پی ایم مزمل صاحب، مولانا عبد الغنی خان صاحب ، مفتی لئیق قاسمی و دیگر علماءنے لیا۔پیس فیڈریشن آف انڈیا کی جانب سے طالبہ کو عمرہ کا ٹکٹ دینے کا اعلان کیا گیا ہے ۔ نائب ناظم حافظ محمد عبد اللطیف، صدر مدرس احمد حسین الطاف ، مدرسہ کے معلمین و معلمات، مفتی عبد الغفار قاسمی، مولانا عتیق الرحمن رشادی، مفتی محبوب اشاعتی ، مفتی ایوب سلیم، مفتی افسر علی نعیمی ندوی و دیگر علماء، حفاظ ، معززین شہر اور عوام الناس کی کثیر تعداد موجود تھی۔