ناظم بیگ
بلند شہر،سماج نیوز سروس: بھارتیہ کسان یونین مہا شکتی کے کارکنوں نے قومی صدر ٹھاکر دھر میندر سنگھ کی قیادت میںانوپ شہر سی او آفس پر احتجاج کیا۔ کسان یونین کے کارکنوں کا الزام ہے کہ پولیس نے جہانگیر آباد میں کسان یونین کے شہرصدر دیپک سینی سے ہوئی مارپیٹ اور مکان پر ہوئے ناجائز قبضہ کے معاملہ میں سنگین دفعات کے تحت مقدمہ درج نہیں کیا۔ اس کے علاوہ پولیس نے دوسرے فریق کی شکایت پر متاثرہ کے خلاف کر اس ایف آئی آر درج کی ہے۔کسان یونین کے کارکنوں کا الزام ہے کہ پولیس نے ملزم کے ساتھ ملی بھگت کی ہے اور کیس سے سنگین دفعات کو ہٹا دیا ہے۔ موقع پر پہنچے سی او گرجا شنکر ترپاٹھی سے مطالبہ کیا کہ وہ پورے معاملے کی غیر جانبدارانہ جانچ کراکے قصوروار پولیس اہلکاروں کے خلاف کارروائی کریں۔ اس کے ساتھ ہی کسان یونین کے کارکنوں نے سی او کو اپنے مطالبات کے حوالے سے ایک میمورنڈم پیش کیا۔ جس میں انہوں نے اس پورے معاملے میں سخت کارروائی کرنے کا مطالبہ کیا۔ انوپ شہر سی او گرجا شنکر ترپاٹھی نے یقین دلایا کہ وہ اس معا ملہ کی جانچ کراکے ضروری کارروائی کریں گے ۔ میمورنڈم دینے والوں میں سنیل لودھی، ویریندر لودھی، وشنو دت تیاگی، سنگیتا سنگھ، روپ کشور شرما، پشپیندر سنگھ، کے پی سنگھ، رشی پرتاپ، شویتا ٹھاکر، سنیل سنگھ، طاہر علی، روی سولنکی وغیرہ کے نام شا مل ہیں ۔
