نئی دہلی21مئی، پریس ریلیز،ہمارا سماج:مصطفی آباد حلقے کے برجپوری علاقہ میں واقع مدرسہ جامعۃ الہدیٰ اور مدرسہ عربیہ تفسیر القرآن میں اقلیتی ترقیاتی کونسل کی جانب سے میٹنگ منعقد ہوئی جس میں کونسل کے چیئر مین محمد ریاض اور جامعہ اسلامیہ دہلی کے وائس چیئر مین حاجی محمد ناصر نے بطور مہمان خصوصی شرکت کی ۔ مدارس کی تعلیمی خدمات اور اصلاح ِ معاشرہ پر تبادلہ خیال ہوا۔ میٹنگ میں جمعیۃ علماء ہند کے کارکن مولانا غیور قاسمی اور مولانا فخر الدین قاسمی نے مدارس کی تعلیم کے ساتھ ساتھ اصلاحِ معاشرہ پر اپنے خیالات کا اظہار کرتے ہوئے کہا مہینے میں ایک بار مسجد اور مدارس میں اصلاحِ معاشرہ پرنشست منعقد کی جائے جس میں بستی اور محلہ کے حالات پر غور و فکر ہو ۔ اگر کسی محلہ یا بستی میںکسی افرادنے غلط راستہ اختیار کر لیا ہو اس کو سمجھا کر راہِ راست پر لے کر آئیں مسجد و مدرسے معاشرے کی بہتری کے لئے ہیں وہاں سے بہتر خدمات انجام دی جائے ۔اسی تعلق سے جمعۃ علماء ہند کی جانب سے اپیل کی جائے گی کہ وہ اپنی مساجدو مدارس میں اصلاح ِ معاشرہ پر نشست منعقد کریں۔مولانا محمد عمران فلاحی نے اپنے خیالات کا اظہار کرتے ہوئے کہا کہ مدارسوں میں دینی تعلیم کے ساتھ عصری تعلیم بھی دی جائے اس کے لئے مدارس کے مہتمم نیشنل اوپن اسکول کے ذریعہ مدرسے کے طالب علموں کو آٹھویں سے بارہویں جماعت تک کی تعلیم دلوائیں یہ نیشنل اوپن اسکول بورڈ بھارت سرکار سے منظور شدہ ہے جو مدارس کے بچوں کے لئے فاصلاتی تعلیم فراہم کراتا ہے۔ کونسل کے چیئر مین محمد ریاض اور حاجی محمد ناصر نے اپنے اپنے خیالات کا اظہار کرتے ہوئے کہاکونسل کی جانب سے قومی اقلیتی کمیشن سے مرکزی مدرسہ بورڈ قائم کرنے کا مطالبہ کیا گیا ہے۔
اور بہت جلد کونسل مرکزی مدرسہ بورڈ قائم کرنے کا مسودہ کمیشن کے چیئرمین اقبال سنگھ لال پورا کو پیش کرے گی ڈاکٹر محمد اعجاز اور انیس فاطمہ نے اپنے خیالات کا اظہار کیا۔ میٹنگ کے اختتام میں مولانا مظہر عالم نے دعا کرائی اس موقع پر شرکاء حضرات جو قابلِ ذکر ہیں ڈاکٹر محمد معین ، محمد مجاہد خان، ایڈوکیٹ محمد زاہد، عابد علی ، رضوان مسعودی، مزمل پرواز وغیرہ۔
