پٹنہ ،سماج نیوز سروس: بہار کے مقبول وزیر اعلیٰ نتیش کمار کی سالگرہ کے موقع پرجے ڈی یو کے متحرک ایم ایل سی ڈاکٹر خالد انورنے وزیر اعلیٰ سے ملاقات کی اور انہیں پھولوں کا گلدستہ پیش کر کے یومِ پیدائش کی دلی مبارکباد دی۔ملاقات کے دوران انہوں نے وزیر اعلیٰ کی صحت، تندرستی اور طویل عمر کے لیے نیک خواہشات کا اظہار کیا۔ میڈیا سے گفتگو کرتے ہوئے ڈاکٹر خالد انور نے کہا کہ ہمارے لیے انتہائی خوشی کا دن ہے کہ ریاستِ بہار کے معمار اور ہم سب کے قائد نتیش کمار جی کی سالگرہ ہے۔ میں انہیں دل کی گہرائیوں سے مبارکباد پیش کرتا ہوں۔ نتیش کمار جی نے انصاف کے ساتھ ترقی کا جو ماڈل پیش کیا، اس نے بہار کی تصویر بدل دی ہے۔ ان کی دور اندیشی اور سُشاسن کی بدولت آج ریاست کا ہر طبقہ خود کو محفوظ اور بااختیار محسوس کر رہا ہے۔ہم اللہ سے دعا گو ہیں کہ وہ انہیں صحت و تندرستی کے ساتھ طویل عمر عطا فرمائے تاکہ وہ اسی طرح ریاست کی خدمت کرتے رہیں۔
