ماڈل ٹاؤن اسمبلی کے دیہات میں ترقیاتی کام تیزی سے جاری

نئی دہلی،سماج نیوز سروس: کیجریوال حکومت شہروں کی طرح دیہاتوں میں بھی تمام بنیادی سہولیات فراہم کرنے کے لیے پابند عہد ہے۔ دہلی کے ماحولیات اور ترقی کے وزیر گوپال رائے نے جمعرات کو ماڈل ٹاؤن قانون ساز اسمبلی میں گاؤں کے ترقیاتی کاموں کو تیز کرنے کے لیے منعقد ‘وکاس سبھا’ میں یہ بات کہی۔ انہوں نے کہا کہ دہلی حکومت نے گاؤں کی ترقی سے متعلق کام کے لیے 900 کروڑ روپے کا بجٹ رکھا ہے۔ گوپال رائے نے کہا کہ ماڈل ٹاؤن قانون ساز اسمبلی کے دیہات میں 10 کروڑ کی لاگت سے ترقیاتی کام ہو رہے ہیں۔ اس موقع پر ماڈل ٹاؤن کے ایم ایل اے اکھلیش پتی ترپاٹھی اور محکمہ آبپاشی اور فلڈ کنٹرول اور محکمہ جنگلات کے افسران بھی موجود رہے ۔ گوپال رائے نے کہا کہ کیجریوال حکومت دیہاتوں میں سڑکوں، پارکوں، نالوں اور ملٹی پرپز کمیونٹی سینٹرز کی حالت کو بہتر بنانے کے لیے تمام ضروری اقدامات کر رہی ہے۔ دہلی حکومت شہری علاقوں میں رہنے والے دہلی کے لوگوں کے ساتھ ساتھ دیہی علاقوں میں رہنے والے لوگوں کو بھی بنیادی سہولیات فراہم کرتی ہے۔عوام کو سہولیات فراہم کرنے کے لیے بھی پرعزم ہے۔ محکمہ ترقی سے متعلق یہ ترقیاتی کام آبپاشی اور فلڈ کنٹرول ڈپارٹمنٹ، ایم سی ڈی اور دیگر سرکاری محکموں کے ذریعے کئے جا رہے ہیں۔ ترقی اور ماحولیات کے وزیر گوپال رائے نے کہا کہ وزیر اعلیٰ اروند کیجریوال نے دہلی کے تمام گاؤں میں ترقیاتی کام انجام دینے کے لیے دہلی ولیج ڈیولپمنٹ بورڈ تشکیل دیا ہے۔ جس کے تحت دہلی کے تمام گاؤں میں ترقیاتی کام ہو رہے ہیں۔ اس کے تحت کمیونٹی سینٹرز، سڑکیں، نالیاں، واٹر باڈیز، پارکس،شمشان گھاٹ، کھیلوں کے میدان وغیرہ سے متعلق ترقیاتی کام کئے جا رہے ہیں۔ اس سال حکومت نے دہلی میں دیہات کی ترقی کے لیے 900 کروڑ روپے کا بجٹ رکھا ہے۔ انہوں نے مزید بتایا کہ ماڈل ٹاؤن قانون ساز اسمبلی کے دیہات میں 10 کروڑ روپے کی لاگت سے ترقیاتی کام ہو رہے ہیں۔ گوپال رائے نے کہا کہ ماڈل ٹاؤن قانون ساز اسمبلی کے دیہات میںدہلی ولیج ڈیولپمنٹ بورڈ نے کافی کام کیا ہے۔ انہوں نے محکمہ آبپاشی اور فلڈ کنٹرول کے افسران کو ہدایت دی کہ وہ باقی ماندہ کام جلد مکمل کریں۔ گوپال رائے نے کہا کہ ترقیاتی کاموں میں عوام کی شرکت کے لیے اس ترقیاتی اجلاس کا انعقاد کیا گیا ہے۔