عامر سلیم خان
نئی دہلی، 5 دسمبر، سماج نیوز سروس:حال ہی میں مدھیہ پردیش سے گزرنے والی کانگریس کے سابق صدر اور ایم پی راہل گاندھی کی بھارت جوڑو یاترا میں روزانہ کئی رنگ دیکھنے کو مل رہے ہیں۔ اس ایپی سوڈ میںکل ریاست کے آگر مالوا ضلع سے راجستھان جانے سے پہلے یاترا کے دوران چھتوں پر کھڑی بھیڑ نے مودی- مودی اور جئے شری رام کے نعرے لگانے شروع کر دیئے۔ اس کے ساتھ ہی ایک اور ویڈیو بھی منظر عام پر آیا، جس میں راہل گاندھی سب سے پہلے مودی کے نعرے لگانیوالوں کی حوصلہ افزائی کرتے نظر آئے۔ اس کے علاوہ انہوں نے چھتوں سے نعرے لگاتے ہوئے ہجوم کوفلائنگ کس بھی دیئے۔ بھارت جوڑو یاترا کے دوران راہل گاندھی کا یہ رنگ بھی سوشل میڈیا پر خوب وائرل ہو رہا ہے۔ مودی مودی کے نعرے کے جواب میں یاترا میں شریک کانگریس کارکنوں نے راہل گاندھی زندہ باد کے نعرے بھی لگائے۔
اس دوران کچھ دیر کیلئے ماحول مودی مودی کا ہو گیا۔ پھر کیا تھا، یاترا میں راہل گاندھی کے ساتھ جانے والے کانگریسی کارکنوں نے جوابی حملہ کیا اور یاترا سے پیچھے کی طرف دیکھتے ہوئے راہل گاندھی کے حق میں نعرے لگائے۔ اس معاملہ کی ویڈیو سوشل میڈیا پر وائرل ہو رہی ہے۔ یہ ویڈیو پورے ضلع سمیت ریاست میں زبردست وائرل ہوگیا۔ بتا دیں کہ جب راہل گاندھی کی بھارت جوڑو یاترا سوسنیر کے لالا کھیڑی سے چلتے ہوئے سویت کلا پہنچی تو بی جے پی کے حامیوں نے ایک عمارت سے جئے شری رام اور مودی مودی کے نعرے لگانے شروع کردیئے۔ اس پر راہل گاندھی جو’نفرت چھوڑو، بھارت جوڑو‘ کے نعرے کے ساتھ یاترا کر رہے ہیں،پہلے ہاتھ کو لہرایااور زوردار نعرے لگا کر بھیڑ کی حوصلہ افزائی کی۔ پھر فلائنگ کس کی بھرمار کرتے ہوئے آگے بڑھ گئے۔ اس کی ویڈیو اب سوشل میڈیا پر وائرل ہو رہی ہے۔
بتا دیں کہ راہل گاندھی کی بھارت جوڑو یاترا اتوار کو آگر ضلع کے راستے راجستھان میں داخل ہوئی ہے۔ سفر میں راہل کے بڑھتے قدموں سے تنازعات بھی ہوتے دیکھے جارہے ہیں۔ مدھیہ پردیش میں راہل اور ان کے ساتھی 11 دنوں میں 3 لاکھ سے زیادہ قدم طے کئے۔ یاتری روزانہ 30 ہزار سے 35 ہزار قدم چلتے ہیں۔ یاترا برہان پور (مہاراشٹر کی سرحد) سے مدھیہ پردیش میں داخل ہوئی۔ اسی وقت راجستھان کی سرحد سے ہوتے ہوئے اگرمالوا کے راستہ راجستھان روانہ ہوئے۔ یہ یاترا مدھیہ پردیش کے 6 اضلاع سے گزری ہے۔ پیر کو راہل گاندھی کی بھارت جوڑو یاترا راجستھان کے جھالاواڑ کے جھلراپٹن میں کالی تلائی سے شروع ہوئی تھی۔ جس میں وزیر اعلیٰ اشوک گہلوت، پی سی سی سربراہ گووند سنگھ دوتاسرا، سابق نائب وزیر اعلیٰ سچن پائلٹ، وزراء، ایم ایل اے اور کئی دیگر لیڈران اور کارکنان گاندھی کے ساتھ شامل ہوئے۔14 کلومیٹر کی پد یاترا کے بعد، بھارت جوڈو یاترا اتوار کو مدھیہ پردیش کے ضلع سے راجستھان میں داخل ہوئی۔ پیر کو 14 کلومیٹر کا سفر طے کرنے کے بعد یاترا صبح تقریباً 10 بجے بالی بوردا چوک پہنچی۔ کھانے کے وقفے کے بعد سہ پہر 3.30 بجے نہرڈی سے سفر شروع ہوا۔
