ناظم منصوری
مرادآباد،سماج نیوز سروس: رمضان المبارک کے ۱۵؍روزے گزر چکے ہیں آج سولہواں روزا ہے اور جمعہ کا مبارک دن ہے۔ یہ رمضان المبارک کا تیسرا جمعہ ہے۔ پہلا دوسرے روزے کو تھا دوسرا جمعہ نویں روزہ کو ہوا۔ آج تیسرے جمعہ کو بھی جامع مسجد اور دیگر مساجد میں بھی نمازیوں کا زدہام رہا۔ جامع مسجد میں نماز جمعہ سے قبل فرزندان توحید کو خطاب کرتے ہوئے امام شہر حکیم سید معصوم علی آزاد نے کہا کہ جمعہ تمام دنوں سے افضل ہے۔ جمعہ مومن کی عید ہے۔ اس ماہ میں زیادہ سے زیادہ عبادت کرنے کی ہدایت دی۔ نائب امام شہر مفتی سید فہد علی نے جمعیۃ المبارک کی فضیلت پر روشنی ڈالتے ہوئے کہا کہ جمعہ سب دنوں رسے افضل ہے اور تمام دنوںکا سردار ہے۔ اس لئے تمام دنوں میں اس دن کی اہمیت اور افادیت زیادہ ہے اور ماہ رمضان المبارک میں جمعہ کی اہمیت و افادیت میں اللہ تعالیٰ کئی گنا زیادہ اضافہ کر تا ہے۔ تراویح تلاوت، ذکر و اذکار کرنے کا ثواب کیہ گنا زیادہ ہوجاتا ہے۔ اس لئے ہر مومن پر فرض ہے کہ وہ بروز جمعہ غسل کریں نئے اور پاک صاف کپڑے پہنیں۔ خوشبو لگائیں اور جانب مسجد روانہ ہوں۔ اور وہیں بیٹھ کر زیادہ سے زیادہ وقت عبادت میں گزاریں۔ خواتین اور دوشیزائیں گھروں میں اسی طرح سے عبادت میں مصروف رہیں۔ درود و سلام کا اہتمام کریں۔ رمضان المبارک کا دوسرا عشرہ یعنی عشرہ مغفرت جاری ہے۔اس میں خیر و برکت اور مغفرت رحمت کے لئے اللہ تعالیٰ کی بار گاہ میں زیادہ سے زیادہ دعائیں کریں۔ اللہ تعالیٰ تمام عبادتوں اور دعاؤں کو قبول فرمائے۔ اس کے علاوہ فطرہ زکوٰۃ خیرات دل کھول کر کریں۔ غرباء و مساکی بے سہارا کمزور افراد کی زیادہ سے زیادہ مدد کریں۔ مدارس و مساجد کے تعمیری کاموں میں تعاون دیں۔ دیگر مساجد میں ائمہ مساجد مفتیان علماء نے فضیلت کے ساتھ ساتھ فضیلت جمعہ کی اہمیت و افادیت پر روشنی ڈالی اور فرزندان توحید کوہدایت دے۔ تراویح کا سلسلہ جاری رکھیں۔ جمعہ کے پیش نظر جامع مسجد اور دیگر مساجد میں پولیس کا سخت حفاظتی انتظام رہا۔
