ممبئی (سماج نیوز سروس) معروف عالم دین اور اتحاد ملت کونسل کے چیئر مین مولانا توقیر رضا خان نے ایک پروگرام میں اپنے خیالات کا اظہار کرتے ہوئے کہا کہ ملک میں ایک ‘مسلم سنٹرل بورڈ قائم کیا جائے، جس میں قربانی میں دلچسپی رکھنے والے لوگوں کو شامل کیا جائے۔ انھوں نے یہ بھی مطالبہ کیا کہ تمام مسلمانوں کو اس بورڈ کے فیصلے کو آنکھیں بند کرکے قبول کرنا چاہیے۔ واضح ہو کہ یہ پروگرام ‘مسلم لیڈر شپ سمٹ 2024’ تھا۔ مولانا خلیل الرحمن سجاد نعمانی ندوی نے اس پروگرام کی صدارت کی۔ پروگرام کا اہتمام مسلم ویلفیئر ایسوسی ایشن کی جانب سے کیا گیا تھا۔ اس موقع پر سماج وادی پارٹی کے لیڈر ابو اعظمی اور دیگر کئی رہنما اور مسلم مذہبی رہنما موجود تھے۔
