بروسیلز(یو این آئی) نیٹو کے وزرائے دفاع کا اجلاس دوسرے روز بھی جاری ہے۔بیلجیئم کے دارالحکومت برسلز میں نیٹو کے ہیڈ کوارٹر میں ہونے والے اجلاس میں ترکیہ کی نمائندگی وزیر دفاع یاشار گولیر کر رہے ہیں۔نیٹو کے سیکرٹری جنرل یینز اسٹولٹن برگ نے اپنے افتتاحی خطاب میں کہا، "ہماری صبح کی نشست 9تا 11 جولائی کو امریکی دارالحکومت واشنگٹن میں منعقد ہونے والے نیٹو سربراہان کے اجلاس کی تیاری کا مقصد رکھتی ہے ، ہم اپنی طاقت اور دفاع میں اضافہ کرنے کے معاملات پر توجہ مرکوز کریں گے۔ ہم اپنے منصوبوں کی مضبوطی اور ان کو عملی جامہ پہنانے کا موقع فراہم کرنے کے حوالے سے پیش رفت پر غور کریں گے۔ ہم اپنے دفاع اور یوکرین کی مدد کو جار ی رکھنے کے لیے کلیدی ضروریات کو پورا کرنے کے زیر مقصد دفاعی صنعتی پیداوار پر بات چیت کریں گے۔سیکرٹری جنرل نے مزید بتایا کہ واشنگٹن سربراہی اجلا س میں یوکرین کے حوالے سے نیٹو سیکیورٹی امداد اور تربیتی منصوبے کو بھی نتیجہ خیز بنائیں گے۔دریں اثنا، ترک وزیر دفاع یاشار گولیر نے نیٹو ہیڈ کوارٹرز میں متحدہ امریکہ کے وزیر دفاع لائیڈ آسٹن، یونانی وزیر دفاع نیکوس دیندیا اور لکسمبرگ کے وزیر دفاع یوریکو بیکس سے مذاکرات کیے۔
