رام پور،سابق وزیر کاظم علی خاں نوید میاں نے لبنان میں ہندوستان کے سفیر سہیل اعجازخاں سے ملاقات کی ہے۔ بیروت میں سفارت خانے میں بات چیت کے بعد نوید میاں نے بتایا کہ لبنان اور بھارت کے درمیان اچھے مراسم ہیں۔کورونا کے دور میں ہندوستان سے آنے والا بہت سا طبی سامان وزیر صحت حماد حسن کے حوالے کیاگیاہے۔سہیل اعجاز خان نے ارجنٹائن میں ہندوستان کے سفیر دنیش بھاٹیہ، عمان کے سفیر امیت نگر اور زمبابوے میں ہندوستان کے سفیر وجے کھنڈوجا کے ساتھ اکتوبر میں مدھیہ پردیش کے ودیشا ضلع کے کئی گاؤں کا دورہ کیاہے۔ ڈاکٹر اوصاف سعید، سکریٹری(CPV اور OIA) نے گزشتہ ماہ لبنان کا دورہ کیاتھا جس کے بعد ہندوستان میں بنی موٹر بائیکس دو طرفہ امداد کے طور پر لبنان کے حوالے کی گئیں۔ دونوں ممالک خوراک اور زرعی کاروبار، دواسازی، جواہرات اور زیورات، الیکٹرانکس، سولر بیٹریاں، چھوٹی گاڑیاں وغیرہ میں کاروبار کر رہے ہیں۔(۳)
