کالی کٹ، پریس ریلیز،ہماراسماج:قومی اتحاد ،سماجی ہم آہنگی اور مختلف مذاہب وثقافتوں کے درمیان آپسی رواداری پُر امن بقائے باہمی امن اور خوشحالی کیلئے ریاست کیرالہ کی قدیم ومشہور ومعروف سمستھا کیرالہ سنی جمعیۃ العلما کے صد سالہ جشن کےموقع پرآج سے کیرالہ کے کاسرگوڈ سے ۱۶ روزہ کیرل یاترایعنی احترام انسانیت سفر کا شاندار آغاز ہوا ۔اس سفر کا بنیادی مقصد امن اور سماجی ہم آہنگی کو فروغ دینا ہے ۔اس موقع پر کیرالہ یاترا کے افتتاحی اجلاس سے کلیدی خطاب میں گرانڈ مفتی آف انڈیا شیخ ابوبکر احمد نے ہزاروں کے جم غفیر مجمع سے خطاب کرتے ہوئے امن اور سماجی ہم آہنگی پر زور دیا ۔شیخ نے کہاکہ ملک وملت کی تعمیر وترقی امن اور سماجی ہم آہنگی کے بغیر ناممکن ہے ۔ انہوں نے کہاکہ دنیا بھر میں تمام مذاہب کے لوگوں کو عزت کے ساتھ جینے اور دوسروں کو تکلیف پہنچائے بغیر اپنے عقائد کی تبلیغ کا حق ہے۔ انہوں نے کہاکہ انسانی ہمدردی اور پُر امن زندگی تمام لوگوں کا حق ہے ۔شیخ نے کہاکہ پیغمبر اعظم نے انسانیت اور من کی تعلیمات کا درس دیا ہے ۔شیخ نے سمستھا کی صد سالہ تقریب کو ناقابل فراموش بنانے کے لیے کیے جانے والے وسیع پیمانے پر اقدامات کے بارے میں بھی بات کی۔ سمستھا کے تحت لاگو کیے گئے منصوبوں میں جامعہ الہند، ایک اسلامی یونیورسٹی شامل ہے جو اسلامی علم کو جدید تعلیم کے ساتھ مربوط کرتی ہے۔ گرینڈ مفتی نے مزید کہا کہ سمستھا چیریٹی اور سماجی خدمت کے میدان میں بھی قابل ذکر سرگرمیاں انجام دے رہا ہے۔واضح رہے کہ ۔”انسانیت کے ساتھ” کے تھیم کے تحت منعقد کی گئی، کیرالہ یاترا ریاست کے مختلف اضلاع سے 16 دنوں تک سفر کرے گی اور 16 جنوری کو ترواننت پورم میں اختتام پذیر ہوگی۔اجلاس کا آغاز سید علی بافقیہ کی دعا سے ہوا۔ سید کے ایس کمبول کے اتاکویا تھنگل نے تقریب کی صدارت کی جبکہ سمستھا کے صدر ای سلیمان مسلیار نے افتتاحی خطاب کیا۔ اس موقع پر وزیر کڈناپلی رامچندرن، کرناٹک کے اسپیکر U.Tکھدر، ایم پی راجموہن اننتھن، ایم ایل اے ایم راجگوپالن اور این اے نیلی کنو، ایڈو۔ C.Hکنہمبو، ای چندر شیکھرن، اے کے ایم اشرف، چنمایا مشن کیرالہ کے ریاستی صدر وویکانند سرسوتی، فادر میتھیو بیبی مارتھوما، اور کلاترا مہین حاجی نے شرکت کی۔مولاناسی محمد فیضی اور رحمت اللہ ثقافی الامارام نے بھی خطاب کیا۔ عبدالقادر مدنی نے خیرمقدمی کلمات پیش کئے ۔عبدالقادر ثقافی نے تمام سامعین کا شکریہ ادا کیا ۔
