علی گڑھ، سماج نیوز سروس: نیشنل سروس اسکیم، علی گڑھ مسلم یونیورسٹی یونٹ نے پروگرام افسران کو ’’میرا بھارت پورٹل اور ڈجیٹل خواندگی‘‘ پروگرام سے روشناس کرانے کے لیے ایک تقریب کا اہتمام کیا۔ مہمان خصوصی ڈاکٹر منجو سنگھ، او ایس ڈی اور ریاستی رابطہ افسر، این ایس ایس سیل، شعبہ اعلیٰ تعلیم، حکومت اترپردیش نے شرکاء سے گفتگو کی اور انہیں ڈجیٹل خواندگی کی اہمیت اور طلباء کے رجسٹریشن کے لیے مائی بھارت پورٹل کے استعمال کے بارے میں بتایا۔ڈاکٹر سنگھ نے حکومت ہند کی طرف سے شروع کیے گئے ترقیاتی پروگراموں اور اسکیموں میں نوجوانوں کی شمولیت پر زور دیا اور پروگرام افسران پر زور دیا کہ وہ وسائل کو صحیح سمت میں استعمال کریں۔ انہوں نے قومی تعلیمی پالیسی اور نیشنل سروس سکیم کے تحت اپنائی گئی سرگرمیوں میں نوجوانوں کی شمولیت کی اہمیت کو اجاگر کیا۔
