اڈما ڈے پر ملک کے بڑے بڑے یونانی دواساز اداروں نے ممبئی میں لگائے اسٹال:محمد صادق بابلہ

نئی دہلی/ممبئی 03نومبر، سماج نیوز سروس: یونانی دواساز اداروں کی تنظیم یونانی ڈرگس مینوفیکچررس ایسوسی ایشن (اْڈما) کا سالانہ چھٹا جشنِ اْڈما کے تحت آیوش ہیلتھ میلہ کا ایم۔ ایچ۔ صابو صدّیق کالج آف انجینئرنگ، ممبئی میں مہمان خصوصی امین پٹیل (ایم ال اے، حکومت مہاراشٹر) کے دست مبارک سے افتتاح ہوا۔ پروگرام کا آغاز حافظ مقبول حسن (پیٹرون، اْڈما) کی تلاوت کلام اللّٰہ سے ہوا۔ نظامت کے فرائض حکیم اعجاز احمد اعجازی نے انجام دئے۔ صدر مجلس مولانا حکیم محمود احمد دریابادی کوسونپی گئی اْڈما کے جنرل سکریٹری حکیم محسن دہلوی نے جشنِ اڈما کے انعقاد کے بارے میں حاضرین مجلس کو بتایا۔ مہمان خصوصی امین پٹیل نے موجودہ وقت میں طب یونانی کی اہمیت پر روشنی ڈالتے ہوئے اس کی ترقی و فروغ کے لئے نسل نو سے سرگرم ہونے کی اپیل کی۔ بعد ازاں صدر مجلس نے اظہار خیال فرماتے ہوئے اراکین اڈما کو ممبئی میں پروگرام کے انعقاد پر مبارکباد پیش کی۔مہمان خصوصی امین پٹیل کو محمد عارف (پیٹرون، اڈما) نے پلانٹر اور مقبول حسن (پیٹرون، اْڈما) نے مومنٹو اور شال پیش کرکے اعزاز سے نوازا۔ مہمان ذی وقار صدر مجلس مولانا حکیم محمود احمد دریابادی کو سیّد منیر عظمت (فاؤنڈر ممبر) نے پلانٹر اور حکیم محسن دہلوی نے مومنٹو اور شال پیش کر کے اعزاز سے نوازا۔اس تقریب کے افتتاحی پروگرام کے کنوینر محمّد صادق بابلہ نے کہا کہ ملک کے یونانی دواساز اداروں کی جانب سے اسٹال لگائے گئے ہیں جن میں دواؤں کی نمائش کے ساتھ ساتھ ماہر فن حکماء حضرات اپنی خدمات پیش کریں گے۔ حکیم اعجاز احمد اعجازی نے نامہ نگاروں کو بتایا کہ حسب پروگرام باضابطہ افتتاحی تقریب، کانفرنس، سی یو ایم ای، ورک شاپ اور آیوش ہیلتھ میلہ کا مزید دو دن اہتمام رہیگا۔ اس تین روزہ (3 نومبر تا 5 نومبر) آیوش ہیلتھ میلہ میں ملک کے مختلف دواساز اداروں کے ساٹھ سے زائد اسٹالس میں عوام کے لئے ماہر فن حکیموں کے ذریعہ فری چیک اپ اور خصوصی رعایت پر دوائیں فراہم کی جارہی ہیں ساتھ ہی موصوف نے یہ پیغام دیا کہ اہالیان علم و دانش، طلباءو طالبات اور سبھی اہالیان طب مع کاروباری حضرات اس اہم و منفرد پروگرام میں شرکت کر کے مستفید ہوں اور عوام النّاس طبّی سہولیات و خدمات سے زیاد ہ سے زیادہ فائدہ اٹھائیں۔شرکاء حضرات میں اْڈما کے ذمّہ داران نبیل انور، محمّد جلیس، پرویز احمد خاں، محمّد نوشاد، حکیم یثمانیل عثمانی،نمحمّد امجد علی فیض، محمد ارشد علی، ڈاکٹر شیخ انتخاب عالم، ڈاکٹر شاہد بخش، حکیم عزیر بقائی کے نام قابل ذکر ہیں۔پروگرام کے اخیر میں انتظامیہ کمیٹی کے چیف محمّد صادق بابلہ نے سبھی مہمانان اور حاضرین مجلس کا شکریہ ادا کیا۔