ولادت امام حسینؓ کے موقع پر نیو جعفرآباد میں ’حسینی لنگر‘ کا اہتمام

نئی دہلی، پریس ریلیز،ہمارا سماج:نواسہ رسول، فرزندعلی وفاطمہ حضرت امام حسینؓ کی ولادت باسعادت کے موقع پر نیو جعفر آباد میں ’حسین ڈے‘ کا انعقاد کیا گیا۔ اس سلسلے میں امنگ گلاس ہاوس کی جانب سے ’حسینی لنگر‘ کا اہتمام کیا گیا جس میں بلا تفریق مذہب لوگوں نے شرکت کی۔ اطلاع کے مطابق ’حسین ڈے‘ کے موقع پر آج صبح 11 بجے نیو جعفر آباد میں نذر مولا کی گئی جس کے بعد عام لوگوں کے لئے حسینی لنگر کا آغازکیا گیا۔ اس موقع پر ویلکم کے امام جمعہ والجماعت مولانا زین العباء نے امام حسین کی ولادت کے حوالے سے سیرحاصل خطاب کیا۔ انہوں نے کہا کہ نواسہ رسول حضرت امام حسین کے چاہنے والوں کی یہ کوشش ہونا چاہئے کہ ان کے پڑوس میں کسی بھی وقت کوئی شخص بھوکا اور پیاسہ نہ رہے۔ واضح رہے کہ یہ لنگر شام 5 بجے تک جاری رہا جس میں بلا لحاظ مسلک و مذہب کثیر تعداد میں لوگوں نے شرکت کی۔ اس سلسلے میں اُمنگ گلاس ہاوس کے پروپرائٹر سید فہیم حسن نقوی نے کہا کہ ہم ہرسال یوم ولادت امام حسین کے موقع پرلنگرکا اہتمام کرتے ہیں جس میں ہرمذہب اور مسلک کے لوگوں کا استقبال کرتے ہیں۔ انہوں نے کہا کہ ’ حسینی لنگر‘ کے اہتمام کاعین مقصد فرقہ وارانہ ہم آہنگی کو فروغ دینا ہے جو ہمارے انبیاءؑ اورآئمہ علیہم السلام کا خاص پیغام ہے۔ لنگر کے اختتام پرفہیم حسن نے شرکت کرنے والے تمام لوگوں کا شکریہ ادا کیا جن میں خاص طور پرعقیق حسن، سجاد ظہیر، عالیجا حسنین خاں،توفیق حسن(راجو)، محمد شمیم، راجا حسن ، مہدی حسن، محمدعلی پاشو، سلمان احمد (ندیم)،محمدعلی،حسن زیدی،نسیم رضا (ببو)، رضا کامل، رہبر،شکیل احمد،نواب (کمیل)،شان بھائی،سنجے ، پون،راہل ورما،سنجے بھاردواج، سید علی (راہل)،علی زیدی،شان میاں، وارث، سمیر،نواب حسن( جیٹو)، کاظم رضا (انو)، محمدصادق (راحل)، سیدعلی اکبر نقوی، مہدی حسن نقوی ،عامررضا نقوی (رنکو)، محمدعباس،علی شجاع، مسلم رضا،عین الحسن ’ایان‘ وغیرہ قابل ذکرہیں اس کے علاوہ جوہر حسن،عرفان محمد، جاوید حسن،نثاراحمد، انعام آل، مہدی حسن مہدی، وسیم انور اورشریف الحسن چندن موجود رہے۔