درگاہ فیض الٰہی معاملے میں گرفتار ایک ملزم کی ضمانت، آج رہائی

نئی دہلی،سماج نیوز سروس:گذشتہ دنوں درگاہ فیض الٰہی معاملے میں پولس کارروائی کے دوران مظاہرہ کرنے والے 20نوجوانوں کے خلاف معاملہ درج کرکے ملزم بنایا گیا تھا۔جو ابھی تک جیل میں بند ہیں۔ اس معاملے میں 5 ملزمان کی پیروی کرنے والے ایڈووکیٹ اے ایف فیض اور ایڈووکیٹ خمیم ملک نے ایک ملزم عبداللہ (25) کی ضمانت کرانے میں کامیابی حاصل کی ہے اور ان کی رہائی کے آرڈر جاری ہوگئے ہیں۔ اس معاملے کی جانکاری دیتے ہوئے ایڈووکیٹ خمیم ملک نے بتایا کہ ہم کل پانچ ملزمان کا کیس لڑ رہے ہیں۔ جن میں محمد عمران، محمد شہزاد، فہیم احمد، عمران احمد، اور عبداللہ ہیں، یہ تمام نوجوان ترکمان گیٹ کے رہنے والے ہیں آج ہمیں تیس ہزاری کورٹ سے عبداللہ کی ضمانت کرانے میں کامیابی حاصل ہوئی ہے اور اس طرح سے ملزمان کی ضمانت کرانے کا سلسلہ شروع ہو گیا ہے۔ ہم امید کرتے ہیں کہ جلد بقیہ ملزمان کی بھی ضمانت مل جائے گی۔کس لڑنے والے سینئر وکیل اے ایف فیضی نے بتایا کہ ہم پانچوں ملزمان کی پیروی خدمت خلق کے طور پر کر رہے ہیں۔ ہم نے کسی بھی ملزم سے ضمانت کے لیے ایک پیسہ بھی نہیں لیا۔ ایڈوکیٹ خمیم ملک کا کہنا ہے کہ عبداللہ کے والد عبدالسبحان بیمار رہتے ہیں اور بیڈ پر ہیں اس حالت میں عبداللہ کی رہائی سے گھر والوں کو کافی راحت ملے گی۔ خمیم ملک کا مزید کہنا ہے کہ ہمارا مقصد تمام بے قصوروں کی رہائی ہے ابھی ہم پانچ ملزمان کا کیس لڑ رہے ہیں اور ایک ملزم عبداللہ کی ضمانت کے بعد سے اور دیگر ملزمان کے والدین ہم سے رابطہ کر رہے ہیں اور کیس کی پیروی کا مطالبہ کر رہے ہیں۔ واضح رہے کہ درگاہ فیض الٰہی معاملے میں گذشتہ دنوں انہدامی کاروائی کے دوران 20 ملزمان کے خلاف پولس نے معاملے درج کرکے جیل رسید کر دیا تھا۔ جن میں سے آج پہلی ضمانت ہوئی ہے جو دیگر ملزمان کی ضمانت میں بھی مثال بنے گی۔اس معاملے کی پیروی کر نے والے ایڈوکیٹ خمیم ملک نے بتایا کہ ٍاس معاملے میں میٹرو پولیٹن مجسٹریٹ کی عدالت سے ضمانت رجیکٹ ہونے کے بعد ضمانت کی عرضی سیشن جج جے پی ناہر کی عدالت میں آج ملزمان کی جانب سے ضمانت کی عر ضی دا خل کی گئی ۔عدالت میں ایڈوکیٹ خمیم ملک اور ایڈوکیٹ ایف اے فیضی نے جم کر تمام واقعات عدالت کے سامنے رکھے۔عدالت نے ضمنت پر ہوئی بحث کی دلیل سننے کے بعد عبید اللہ نامی ایک 25سالہ نوجوان جو مین روڈ ترکمان گیٹ کا رہنے والا ہے کی 25ہزار روپے کے ذاتی مچلکہ پر ضمانت کی منظوری دے دی ۔ایڈوکیٹ خمیم ملک کا کہنا ہے کہ کل ضمانت کے کاغذات داخل کر دئے جائیں گے جس کے بعد کل رات تک عبید اللہ کو جیل سے رہا کر دیا جائے گا ۔ ایڈوکیٹ خمیم ملک کا کہنا ہے کہ ان کی پوری ٹیم اس معاملے میں پیروی کررہی ہے اور ہمیں امید ہے کہ ہم جلد ہی ان تمام ملزمان کی ضمانت کراکر انہیں رہا کرالیں گے۔