سید پرویز قیصر
لکھنو سپر جائنٹس کے کرونل پانڈیہ نے انڈین پریمیر لیگ 2024 میں ایک ہزار واں چھکا لگانے کا اعزاز حاصل کیا۔ سن رائزرس حیدرآبادکے خلاف حیدرآبادکے راجیو گاندھی انٹر نیشنل اسٹیڈیم، اپل میں بدھ ( 8 مئی ) کو ہوئے میچ میںتیز بالر جے دیو اندکٹ کی بال پر مارا گیا دوسرا چھکا انڈین پریمیر لیگ کے 17 ویں ایڈیشن میں 57 ویں میچ کی113 ویں اننگ میں ایک ہزارواں تھا۔
انڈین پریمیر لیگ میں یہ تیسرا موقع ہے جب ایک ہزار سے زیادہ چھکے ایک ایڈیشن میں لگے۔ گذشتہ سال67 ویں میچ کی132 ویں اننگ میںایک ہزار واں چھکا لگا تھا جبکہ2022 میں ایسا70 ویں میچ کی140 ویں اننگ میں ہوا تھا۔
موجودہ سیزن میں ابھی تک جو1015 چھکے مارے گئے ہیں وہ114بلے بازوں نے مارے ہیں۔سب سے زیادہ چھکے سن رائزرس حیدرآباد کے ابھشیک شرما نے لگائے ہیں۔ انہوں نے12 میچوں کی 12 اننگوں میں35 چھکے جڑے ہیں۔ کولکاتہ نائیٹ رائیڈرس کے سنیل نارائین نے گیارہ میچوں کی گیارہ اننگوں میں 32 مرتبہ بال کو باونڈی لائین سے باہر کی سیر کراکے دوسرے مقام پر ہیں۔ سن رائزرس حیدرآباد کے ہنرچ کلا سن اور ٹراویس ہیڈ 31۔31 چھکوں کے ساتھ مشترکہ طور پر تیسرے نمبر ہیں۔28 چھکوں کے ساتھ راجستھان رائلز کے ریان پراگ پانچویں مقام پر ہیں۔
سب سے زیادہ چھکے سن رائزرس حیدرآباد کے بلے بازوں نے مارے ہیں۔ اسکے بارہ بلے بازوں نے بارہ میچوں میں 146چھکے مارے ہیں۔دہلی کیپٹلس کے بارہ بلے بازوں نے بارہ میچوں میں120 چھکے جڑے ہیں۔ممبئی انڈینس کے چودہ بلے بازوں نے116 چھکے مارے ہیں جبکہ کولکاتہ نائیٹ رائیدرس کے نوبلے بازوں نے اتنے ہی چھکے مارے ہیں۔رائل چیلنجرس کے تیرہ بلے بازوں نے 114چھکے جڑے ہیں۔ پنجاب کنگس کے چودہ بلے بازوں نے 95چھکے جڑے ہیں جبکہ راجستھان رائلز کے نو بلے بازوں نے ان سے ایک کم یعنی 94چھکے مارے ہیںْ۔ چنئی سپر کنگس کے دس بلے باز82 مرتبہ بال کو باونڈری لائین سے باہر کی سیر کرانے میں کامیاب رہے ہیں، لکھنو سپر جائنٹس کے نو بلے بازوں نے78چھکے مارے ہیں۔ سب سے کم چھکے گجرات ٹائٹنس کے کھلاڑیوں نے لگائے ہیں اس نے جوگیارہ میچ کھیلے میں اس میں بارہ بلے باز54چھکے لگانے میں کامیاب رہے ہیں۔ ممبئی انڈینس اور پنجاب کنگس کے چودہ ۔چودہ بلے بازوں نے چھکے لگانے کا اعزاز حاصل کیا ہے۔ ان دونوں ٹیموں کے علاوہ کسی اور ٹیم کے اتنے کھلاڑیوں نے چھکے نہیں جڑے ہیں۔
