لکھنؤ:5مارچ
آل انڈیا محمدی مشن کے زیراہتمام تیسرا مفت طبی کیمپ مشن کے بانی و قومی صدر حضرت سید ایوب اشرف کچھوچھوی کی سرپرستی میں مخدوم اشرف عربک اسکول نزد غوثیہ جامع مسجد شیوم بھٹے کے سامنے آدرش نگر کیمپل روڈبالا گنج لکھنؤ میں ہوا۔ جس میں ایرا لکھنؤ میڈیکل کالج اینڈ ہسپتال سرفراز گنج کے ماہر ڈاکٹر ابرار علی، ڈاکٹر محمد شاد، ڈاکٹر نیلممرا والا، ڈاکٹر شیکھا، ڈاکٹر رم جھم، ڈاکٹر عالیہ، مسٹر جی سی مشرا، مسٹر رتیش، مسز رچی، مسٹر نفیس وغیرہ جنہوں نے مختلف شعبہ جات جیسے پیڈیاٹرک، آرتھوپیڈک، فزیو تھراپی، میڈیسن، آنکھ وغیرہ کے مریضوں کا علاج کیا۔ آج کا کیمپ صبح 11.00 بجے سے شام 5.00 بجے تک ہوا۔ اس فری ہیلتھ کیمپ میں تقریباً 151 مریضوں نے اپنا علاج کروایا، اس کے ساتھ ساتھ تقریباً 52 مریضوں کا بلڈ ٹیسٹ، 35 مریضوں کا الٹراساؤنڈ، 11 مریضوں کا ایم آر آئی، 15 مریضوں کا سٹی ا سکین مفت کیا گیا۔آل انڈیا محمدی مشن کے بانی و قومی صدر حضرت سید ایوب اشرف نے تمام ڈاکٹروں اور جناب محسن علی خان ڈائرکٹر ایرا میڈیکل کالج کا شکریہ ادا کرتے ہوئے کہا کہ ایرا میڈیکل کالج کے مسلسل تعاون سے غریبوں اور ناداروں کے علاج کے لئے جس طرح سے انتظامات کئے جارہے ہیں وہ قابل ستائش ہے اور ڈاکٹر سیف رضا خان اشرفی اور سید محمد احمد میاں یوتھ صدر آل انڈیا محمدی مشن کے بہترین نظام سے، مریضوں کی بہتر انتظامات کے ساتھ دیکھ بھال کی جارہی تھی۔ وہ تعریف کا مستحق ہے۔حضرت سید بابر اشرف یوتھ سرپرست آل انڈیا محمدی مشن نے کہا کہ یہ ٹیم آدرش نگر اور اس کے آس پاس رہنے والے تمام مذاہب اور سماج کے لوگوں کے لئے جس خدمت کے ساتھ کام کر رہی ہے، یہی دین اسلام کا صحیح طریقہ ہے، انشاء اللہ۔ اسی مقام پر 12 مارچ 2023 بروز اتوار چوتھا فری میڈیکل کیمپ لگایا جائے گا۔
