سید پرویز قیصر
پاکستان نے آسڑیلیا کے خلاف اپنے گھر پر کھیلی گئی تین ٹونٹی ٹونٹی بین الاقوامی میچوں کی سریز میں سبھی میچ جیتے۔ پاکستان کیلئے آسڑیلیا کے خلاف ٹونٹی ٹونٹی بین الاقوامی کرکٹ میں یہ دوسرا موقع ہے جب اس نے تین ٹونٹی ٹونٹی بین الاقوامی میچوں کی سریز میں سبھی میچوں میں کامیابی حاصل کی۔ پاکستان نے آسڑیلیا کے خلاف پانچویں مرتبہ کوئی ٹونٹی ٹونٹی بین الاقوامی میچوں کی سریز جیتی ہے۔ اس میں ایک ایک میچ کی سریز بھی شامل ہے۔
پاکستان اور آسڑیلیا کے مابین تین ایک روزہ بین الاقوامی میچوں کی سریز کے سبھی میچ لاہور میں کھیلے گئے تھیْ پہلا میچ جو 29 جنوری2026 کو ہوا تھا ، پاکستان نے22 رن سے جیتا تھا۔ پاکستان نے ٹاس جیت کر پہلے بلے بازی کرتے ہوئے مقررہ 20 اوور میں آٹھ وکٹ پر 168 رن بنائے تھے۔ آسڑیلیا نے مقررہ20 اوور میں آٹھ وکٹ پر 146 رن بنائے تھے جس کی وجہ سے اسے اس میچ میں22 رن سے شکست ہوئی۔
سریز کا دوسرا میچ31 جنوری2026 کو کھیلا گیا تھا جس میں میزبان ٹیم نے90 رن سے جیت اپنے نام کی تھی۔ اس میچ میں ٹاس پاکستان نے جیتا تھا اور مقررہ 20 اوور میں پانچ وکٹ پر 198 رن بنائے تھے۔ آسڑیلیا کے سبھی کھلاڑی15.4 اوور میں108 رن بناکر آوٹ ہوئے تھے جس کی وجہ سے انہیں 90 رن سے شکست کا سامنا کرنا پڑا۔
سریز کے تیسرے اورآخری میچ میں جو یکم فروری2026 کو کھیلا گیا تھا، پاکستان نے111 رن سے جیت اپنے نام کی تھی جو پاکستان کی آسڑیلیا کے خلاف رنو ں کے حساب سے سب سے بڑی اور کل ملاکر ٹونٹی ٹونٹی بین الاقوامی کرکٹ میں تیسری سب سے بڑی جیت تھی۔ اس میچ میں بھی ٹاس پاکستان نے جیتا تھا اور مقررہ20 اوور میں چھ وکٹ پر207 رن بنائے تھے ۔ یہ پہلا موقع تھا جب پاکستان نے آسڑیلیا کے خلاف ٹونٹی ٹونٹی بین الاقوامی کرکٹ میں دو سو رن کا ہندسہ پار کیا۔ آسڑیلیا کے سبھی کھلاڑی16.5 اوور میں96 رن بناکر آوٹ ہوئے تھے جس کی وجہ سے اسے111 رن سے شکست ہوئی تھی۔ آسڑیلیا کی اننگ میں ایڈم زمبا زخمی ہونے کی وجہ سے بلے بازی کرنے نہیں آئے تھے۔
آسڑیلیا کے خلاف پاکستان نے پہلی کلین سوئپ متحدہ عرب امارات میں اکتوبر 2018 میںہوئی تین میچوں کی سریز میں کی تھی۔ اس سریز کا پہلا میچ جو ابوظبی میں24 اکتوبر 2018 کو کھیلا گیا تھا جس میں پاکستان نے66 رن سے کامیابی اپنے نام کی تھی۔ پہلے بلے بازی کرتے ہوئے پاکستان نے مقررہ20 اوور میں آٹھ وکٹ پر155 رن بنائے تھے۔ آسڑیلیا کے سبھی16.5 اوور میں89 رن پر آوٹ ہوئے تھے جس کی وجہ سے اسے66 رن سے شکست ہوئی تھی۔ دوبئی میں26 اکتوبر 2018 کو ہوئے میچ میں پاکستان کو گیارہ رن سے کامیابی ملی تھی۔ اس میچ میں اس نے پہلے بلے بازی کرتے ہوئے20 اوور میں چھ وکٹ پر 147 رن بنائے تھے۔ آسڑیلیا مقررہ 20 اوور میں آٹھ وکٹ پر 136 رن بنائے تھے جس کی وجہ سے اسے گیارہ رن سے شکست ہوئی تھی۔ سریز کا تیسرا اور آخری میچ دوبئی میں ہی28 اکتوبر2018 کو ہوا تھا جس میں پاکستان نے33 رن سے کامیابی اپنے نام کی تھی۔ پاکستان نے پہلے بلے بازی کرتے ہوئے مقررہ20 اوور میں پانچ وکٹ پر 150 رن بنائے تھے۔ آسڑیلیا نے اسکے جواب میں19.1 اوور میں117 رن بنائے تھے اور میچ33 رن سے گنوادیا تھا۔
