فلسطینی ریاست سے انکار، اسرائیلیوں اور یہودیوں کو ہر جگہ خطرہ ہے: یورپی عہدیدار

یورپ:یورپی کونسل کے صدر نے جمعرات کو اقوامِ متحدہ کی جنرل اسمبلی سے خطاب کرتے ہوئے کہا کہ فلسطینی عوام کے لیے ریاست سے مسلسل انکار کے باعث ہر جگہ اسرائیلیوں اور یہودیوں کی سلامتی کے لیے خطرہ ہے۔
چارلس مشیل نے کہا، یورپی یونین غزہ کی پٹی میں فوری جنگ بندی کے حصول کے لیے سخت محنت کر رہی ہے اور اسرائیل کی سلامتی کے لیے علاقائی امن کی قربانی نہیں دی جا سکتی۔
نیز انہوں نے کہا، "ہم عالمی عدالتِ انصاف کے حکم کے مطابق فوری جنگ بندی چاہتے ہیں۔ یورپی یونین دو ریاستی حل کے لائحہ عمل کے اندر پائیدار امن کے لیے کام کر رہی ہے جہاں دونوں اقوام آزادانہ طور پر شانہ بشانہ اور حفاظت کے ساتھ رہیں۔”آزادی اور یکجہتی – انہی اصولوں کے تحت ہم حماس کے سات اکتوبر کے حملوں کی مذمت کرتے ہیں۔”اسرائیل کو بین الاقوامی قانون کے مطابق اور تناسب کے اصول کے تحت اپنے دفاع کا حق حاصل ہے لیکن امن کو نظر انداز کرتے ہوئے سلامتی کو یقینی بنانا ایک سراب ہے۔ امن کے بغیر کبھی بھی پائیدار سلامتی نہیں ہو سکتی۔ فلسطینی عوام کو اپنی ریاست کا حق حاصل ہے۔ انہیں اس حق سے محروم کرنے سے ہر جگہ اسرائیلیوں اور یہودیوں کی سلامتی کو غیر معینہ مدت تک خطرات لاحق ہوں گے۔”
علاقائی بحرانوں کے موضوع پر رہتے ہوئے مشیل نے سوڈان میں تنازعے کو ایک بڑی انسانی تباہی” قرار دیا۔انہوں نے کہا، یورپی یونین ملک میں متحارب فریقین اور ان کی حمایت کرنے والوں پر دباؤ ڈالنے کے لیے اپنی کوششیں جاری رکھے گی کہ وہ انسانی ہمدردی اور بین الاقوامی قانون کا احترام کریں۔