عام انتخابات میں پی ایم مودی کی حالت خستہ

بی جے پی کامیابی کے لیے ہندتوا فسطائیت کو دے رہی ہے فروغ
انڈیا اتحاد کے اہم رکن سابق مرکزی وزیر اور مہاراشٹر کے سابق وزیر اعلی شرد پوار کا زوردار حملہ ، پانچ نکاتی پروگرام کا این سی پی نے کیا آغاز
شرد پوار نے اپنے بیان میں اور کیا بولے
پی ایم مودی کا متبادل نہیں ہے یہ غلط بیان ہے
ریجنل پارٹیوں نے ہی اندرا گاندھی کو ہرایا تھا
انڈیا اتحاد میں مزید مقامی پارٹیاں شامل کریں گے
بی جے پی کئی ریاستوں میں نہیں ہے اقتدار میں

ممبئی :5جنوری /سماج نیوز سروس ۔پوار نے بی جے پی پر حملہ کرتے ہوئے کہاکہ "اس کی بنیاد پرہندوتوا فسطائیت ہے اور وہ اسے ملک میں لانے کی کوشش کررہے ہیں۔ انہو ں نے پانچ نکاتی پروگرام شروع کیاہے”۔شریڈی۔ نیشنلسٹ کانگریس پارٹی (این سی پی) بانی شرد پوار نے بی جے پی پر ملک میں "ہندوتوا فسطائیت” کے فروغ کے لئے پانچ نکاتی ایجنڈے کے استعمال کا الزام لگایا اور کہاکہ مجوزہ لوک سبھا انتخابات کے لئے بھگوا پارٹی کے لئے سیاسی حالات ٹھیک نہیں ہیں۔مغربی مہارشٹرا کے ضلع احمد نگر میں شہر شریڈی کی مندر میں پارٹی ورکرس سے خطاب کرتے ہوئے انہوں نے کہاکہ یہ صرف پروپگنڈہ” ہے کہ وزیراعظم نریندر مودی کاکوئی متبادل نہیں ہے جو "من گھڑت او رجھوٹا” ہے۔مذکورہ 83سالہ سیاست داں نے ایمرجنسی کے بعد 1977میں لوک سبھا انتخابات کا حوالہ دیا جب اپوزیشن پارٹیاں متحد ہوئیں اور اس وقت کی وزیراعظم اندرا گاندھی کو بغیر وزیر اعظم امیدوار کے اقتدار سے بیدخل کیاتھا۔مذکورہ راجیہ سبھا ایم پی نے کہاکہ پرکاش امبیڈ کر کی قیادت والی وی بی اے کے ساتھ بھی میٹنگیں کیں اور وہانڈیاش پارٹنرس سے بات کریں گے کہ مہارشٹرا نژاد سیاسی تنظیم کو مجوزہ لوک سبھا انتخابات کے لئے بی جے پی سے مقابلے میں تشکیل دئے گئے اپوزیشن گروپ کا حصہ بنائیں۔پوار نے کہاکہ سماجی جہدکاروں جیسے چھتر پتی ساہو مہاراج جیوتی با پھولے اور بی آر امبیڈکر کے نظر یات کا پروپگنڈہ کرنے والوں کے اصول ان جیسے نہیں دیکھائی دے رہے ہیں۔انہوں نے کہاکہ اہمیت "گائے کے پیشاب اور راشٹر یہ سویم سیوک سنگھ(آر ایس ایس)لیڈر ایم ایس گولوالکر کو دی جارہی ہے۔پوار نے بی جے پی پر حملہ کرتے ہوئے کہاکہ "اس کی بنیاد میں ہندوتوا اور فسطائیت ہے اور وہ اسے ملک پر تھوپنے کی کوشش کررہے ہیں۔انہو ں نے پانچ نکاتی پروگرام شروع کیاہے”۔تمام علاقو ں میں مسلم کمیونٹی کے تئیں نفرت میں اضافہ او رمذہبی پولرائزیشن اس پانچ نکاتی پروگرام کے اجزا ء ہیں۔سابق مرکزی وزیر نے کہاکہ عدلیہ الیکشن کمیشن مرکزی ایجنسیوں اور ریزو بینک میڈیا ‘منوواد پر زور الٹراقوم پرستی پاکستان کے تئیں جارحیت اور ملک میں مختلف صورتحال پیدا کرنا اس پروگرام کی دیگر خصوصیات ہیں۔پوار نے دعوی کیاکہ "فسطائیت کے فروغ کے لئے ایک پانچ نکاتی پروگرام زیرعمل ہے”۔انہوں نے کہاکہ عوام کو اس با ت کااب احساس ہونے لگا ہے۔ پوار نے کہاکہ "بی جے پی کے حالات ملک میں سازگار نہیں ہیں”۔انہوں نے مودی کے پانچ ٹریلین والی معیشت کے وعدے کا بھی ذکر کیااورکہا کہ ملک کی بیشتر ریاستوں میں بی جے پی اقتدار میں نہیں ہے۔ انہوں نے مراہٹا کوٹہ کے حوالے سے بھی کہاکہ سرکاری ملازمتوں میں پہلے سے موجود مرہٹا کوٹہ کے تحت تقررات کے بعدبھی بہت ساری جائیدادیں مخلوعہ او رکوٹہ کی گنجاش باقی رہتی [