نئی دہلی ، ملک کےنگراں وزیر اعظم نریندر مودی اس ہفتے کے آخر میں وزیر اعظم کے عہدے کا حلف اٹھا سکتے ہیں۔ گزشتہ بار کی طرح اس بار بھی وزیراعظم کی تقریب حلف برداری میں دنیا بھر کے رہنما جمع ہوں گے۔ ان میں سری لنکا، نیپال، ماریشس وغیرہ کے سربراہان مملکت شامل ہیں۔ سری لنکا کے صدر نے بھی تقریب حلف برداری کی دعوت قبول کر لی ہے ۔سری لنکا کے صدر رانیل وکرما سنگھے نے سوشل میڈیا پر شیئر کی گئی ایک پوسٹ میں کہا کہ وہ بدھ کو لوک سبھا انتخابات میں بی جے پی کی قیادت والی این ڈی اے کی جیت پر نریندر مودی کو مبارکباد دی ہے۔ایک سوشل میڈیا پوسٹ میںانھوں نے لکھا گیا کہ ’یہ جیت ظاہر کرتی ہے کہ ہندوستان کے لوگوں نے وزیر اعظم مودی کی قیادت میں ترقی اور خوشحالی پر یقین ظاہر کیا ہے۔اسی کے ساتھ نیپال کے وزیر اعظم پشپا کمل دہل پراچندا بھی وزیر اعظم نریندر مودی کی تقریب حلف برداری میں شرکت کر سکتے ہیں۔ نیپال کی وزارت خارجہ سے وابستہ ذرائع نے بتایا کہ وزارت وزیر اعظم پشپا کمل دہل کے دورہ دہلی کی منصوبہ بندی میں مصروف ہیں، جہاں وہ وزیر اعظم مودی کی تقریب حلف برداری میں شرکت کریں گے۔ تاہم وزارت نے کہا کہ اس دورے کی تصدیق ہونا باقی ہے۔ جیسے ہی تاریخ کا فیصلہ ہو گا، باضابطہ اعلان کر دیا جائے گا۔وزیر اعظم نریندر مودی کی حلف برداری کی تقریب میں مالدیپ کے صدر محمد مغزو اور ماریشس کے وزیر اعظم پراوِند جگناتھ کو بھی مدعو کیا گیا ہے۔ تاہم دونوں رہنماؤں کے دورہ بھارت کی تاحال تصدیق نہیں ہو سکی ہے۔
