ماسکو (یو این آئی) روس کے صدر ولادیمیر پوتن نے میخائل میشوسٹین کو ملک کا وزیر اعظم مقرر کرنے کے لیے ایوان زیریں ’اسٹیٹ ڈوما‘ میں ایک تجویز پیش کی ہے۔اسٹیٹ ڈوما کے چیئرمین ویاچسلاو ولوڈن نے جمعہ کو یہ اطلاع دی۔
مسٹر ولوڈن نے ٹیلی گرام پر کہا ’’صدر ولادیمیرووچ پوتن نے وزیراعظم عہدے کے لیے میخائل ولادیمیرووچ میشوسٹن کی امیدواری پر و اسٹیٹ ڈوما کو ایک تجویز پیش کی ہے۔‘‘
روسی افسران نے کہا کہ وزیر اعظم کے عہدے کی امیدواری پر بحث کرتے وقت آبادی، تکنیکی خودمختاری، اقتصادی ترقی اور دفاعی صلاحیت سے متعلق سوالات کے جوابات حاصل کرنا ضروری ہے۔
مسٹر ولوڈن نے کہا کہ وزیر اعظم کے عہدے کی امیدواری پر پارلیمنٹ کے تمام دھڑوں میں تبادلہ خیال کیا جائے گا اور اسٹیٹ ڈوما کا اجلاس مقامی وقت کے مطابق 14.00 بجے شروع ہوگا۔ انہوں نے کہا کہ میشوسٹین پہلے ایوان زیریں کو رپورٹ کریں گے اور قانون سازوں کے سوالات کے جواب دیں گے اور پھر امیدواری پر ووٹنگ کی جائے گی۔مسٹر پوتن نے منگل کو کریملن میں روسی صدر کے طور پر حلف لیا۔ روسی صدر 2030 تک اگلے چھ سالوں کے لئے اپنے عہدے پر فائز رہیں گے۔ افتتاح کے بعد میشوسٹین کی سربراہی میں روسی کابینہ نے قانون کے مطابق استعفیٰ دے دیا۔
