رام پور ، بیٹی بچاؤ بیٹی پڑھاؤ مہم کے تحت ڈسٹرکٹ پروبیشن آفس کی جانب سے ریلی نکالی گئی اور لڑکیوں کو تعلیم کے مرکزی دھارے سے جوڑنے اور انہیں بااختیار بنانے کے لئے لوگوں کو آگاہ کیا گیا۔اس ریلی کا افتتاح ضلع مجسٹریٹ رویندر کمار ماندڑنے قلعہ کے احاطے سے ہری جھنڈی دکھا کر کیا۔رکنِ پارلیمنٹ گھنشیام سنگھ لودھی، ضلع مجسٹریٹ رویندر کمار ماندڑاور ترقیاتی افسرنند کشور کلال اور دیگر عوامی نمائندوں اور افسران کی موجودگی میں یہ ریلی پکشی وہار کے احاطے میں اختتام پذیر ہوئی۔پروگرام کے دوران ایم پی نے مکھیہ منتری بال سیوا یوجنا کے تحت بچوں کو لیپ ٹاپ فراہم کئے اور ٹاپر بیٹیوں کو 5000 روپے کا ترغیبی چیک بھی دیا۔رکن پارلیمنٹ نے کہا کہ بیٹی بچاؤ بیٹی پڑھاؤ مرکزی حکومت اور ریاستی حکومت کی ایک بہت ہی مہتواکانکشی اسکیم ہے جس کے تحت بیٹیوں کو یکساں مواقع فراہم کرنے کے ساتھ ساتھ انہیں ہر شعبے میں شراکت دار بنانے کے لئے مسلسل کام کیا جا رہا ہے۔ آج بیٹیاں ترقی کے ہر میدان میں یکساں حصہ داری کو یقینی بنا رہی ہیں اور حکومت کی بیٹی بچاؤ بیٹی پڑھاؤ مہم کا ارادہ سچ ہو رہا ہے۔ضلع مجسٹریٹ نے کہا کہ ضلع میں بیٹی بچاؤ بیٹی پڑھاؤ مہم کو مؤ ثر طریقے سے نافذ کرنے اور لڑکیوں کو ہمہ جہت بااختیار بنانے کے لیے انتظامی سطح سے ہر ضروری پہلو پر کام کیا جا رہا ہے۔ڈسٹرکٹ پروبیشن آفیسرلیوکوش بھارگوا نے کہا کہ ضلع مجسٹریٹ اور چیف ڈیولپمنٹ آفیسر کی قیادت میں خواتین کی فلاح و بہبود کے محکمے کی جانب سے مسلسل مختلف قسم کی بیداری کی سرگرمیاں منعقد کی جارہی ہیں تاکہ بیٹیاں اپنی ہر اسکیم کا فائدہ حاصل کر سکیں۔ حقوق اور انہیں بااختیار بنایا گیا ہے تاکہ وہ ملک کی ترقی میں مساوی شراکت کو یقینی بنا سکیں۔
