سید پرویز قیصر
پاکستان اور بنگلہ دیش کے درمیان دو ٹسٹ میچوں کی سریز کا دوسرا ٹسٹ میچ راولپنڈی کرکٹ اسٹیڈیم میں جمعہ ( 30 اگست) سے شروع ہوگا۔ ا سی میدان پر سریز کا پہلا ٹسٹ میچ کھیلا گیا تھا جس مین مہمان ٹیم نے دس وکٹ سے جیت حاصل کی تھی جو اسکی ٹسٹ کرکٹ میں وکٹوں کے اعتبار سے سب سے بڑی جیت ہونے کے ساتھ ساتھ پاکستان کے خلاف چودہ ٹسٹ میچوں میں پہلی جیت تھی۔
اس اسٹیڈیم میں جس کی گنجائش 15000 ہزار ہے، پہلا ٹسٹ میچ زمبابوے اور پاکستان کے درمیان دسمبر1993 میں کھیلا گیا تھا۔ تب سے ابھی تک اس میدان پر پاکستان نے نو ملکوں کے خلاف جوچودہ ٹسٹ میچ کھیلے ہیں اس میںپانچ ٹسٹ میچوں میں جیت حاصل کی ہے جبکہ پانچ ہی ٹسٹ میچوں میں اسے شکست ہوئی ہے۔ باقی چار ٹسٹ میچ کسی فیصلہ کے بغیر ختم ہوئے ہیں۔
پاکستان نے بنگلہ دیش، نیوزی لینڈ، جنوبی افریقہ، ویسٹ انڈیز اور زمبابوے کے خلاف کامیابی حاصل کی ہے جبکہ آسڑیلیا، بنگلہ دیش، سری لنکا،ہندوستان اور انگلینڈ کے خلاف اسے شکست ہوئی ہے۔ آسڑیلیا کے خلاف د و اور جنوبی افریقہ اور سری لنکا کے خلاف ایک۔ایک ٹسٹ برابر رہا ہے۔
اس میدان پر سب سے بڑا اسکور بنانے کا ریکارڈ انگلینڈ کے ُپاس ہے جس نے دسمبر2022 میں پاکستان کے خلاف101 اوور میں 657 رن بنائے تھے۔ ہندوستان نے اپریل 2004 میں ہوئے ٹسٹ میچ میں177.2 رن بنائے تھے جو اس میدان پر دوسرا سب سے زیادہ اسکور ہے۔ اس میدان پر پاکستان نے انگلینڈ کے خلاف دسمبر2022 میں155.3 اوور میں579 رن بنائے تھے جو اس میدان پر اس کا سب سے زیادہ اور کل ملاکر تیسر ا سب سے زیادہ اسکور ہے۔ بنگلہ دیش نے سریز کے پہلے ٹسٹ میں167.3اوور میں 565 رن بنائے تھے جو اس کا پاکستان کے خلاف سب سے زیادہ اسکور ہونے کے ساتھ ساتھ اس میدان پر چوتھا سب سے بڑا اسکور ہے۔
نومبر1997 میں کھیلے گئے ٹسٹ میں ویسٹ انڈیز کے سبھی کھلاڑی41 اوور میں139 رن بناکر آوٹ ہوئے تھے جو اس میدان پر کسی بھی ٹیم کا سب سے کم اسکور ہے۔ پاکستان کا اس میدان پر سب سے کم اسکور75.5 اوور میں145 رن ہے جو اس نے آسڑیلیا کے خلاف اکتوبر1998 میں بنایا تھا۔
اس میدان پر سب سے بڑا انفرادی اسکور کرنے کا ریکارڈ ہندوستان کے راہول ڈراوڈ کے پاس ہے جنہوں نے پاکستان کے خلاف اپریل 2004 میں ہوئے ٹسٹ میچ میں740 منٹ میں495 بالوں پر34 چوکوں اور ایک چھکے کی مدد سے270 رن بنائے تھے۔ پاکستان کے سلیم ملک نے اکتوبر 1994 میں ہوئے ٹسٹ میچ میں آسڑیلیا کے خلاف443 منٹ میں328 بالوں پر34 چوکوں کی مدد سے 237رن بنائے تھے جو اس میدان پر پاکستان کی جانب سے سب سے بڑا انفرادی اسکور اور کل ملاکر دوسرا سب سے بڑا انفرادی اسکور ہے۔
تیز بالرمحمد زا ہد نے نومبر 1996 میں ہوئے ٹسٹ میچ میں20 اوور میں66 رن دیکر نیوزی لینڈ کے سات کھلاڑیوں کو آوٹ کیا تھا جو اس میدان پر کسی بھی بالر کی سب سے اچھی بالنگ کارکردگی ہے۔ انگلینڈ کے ولیم جیکس نے دسمبر 2022میں ہوئے ٹسٹ میچ میں40.3اوور میں161 رن دیکرچھ کھلاڑیوں کو آوٹ کیا تھا جو کسی مہمان بالر کی سب سے اچھی بالنگ کارکردگی ہے۔
ایک ٹسٹ میں سب سے اچھی بالنگ کرانے کا ریکارڈ پاکستان کے محمد زاہد کے پاس ہے جنہوں نے نومبر 1996 میں ہوئے ٹسٹ میچ میں41 اوور میں130 رن دیکر نیوزی لینڈ کے گیارہ کھلاڑیوں کو آوٹ کیا تھا۔ آسڑیلیا اسٹورٹ میک گل دسمبر 1998 میں ہوئے ٹسٹ میچ میں43 اوور میں113 رن دیکر نو کھلاڑیوں کو آوٹ کیا تھا جو کسی مہمان بالر کی اس میدان پر ایک ٹسٹ میچ میں سب سے اچھی بالنگ کارکردگی ہے۔
