نئی دہلی، جامعہ اسکول ٹیچرس ایسوسی ایشن کی جانب سے جامعہ مڈ ل اسکول میں ایک تقریب منعقد کی گئی ،جس میں جامعہ اسکول ٹیچرس ایسوسی ایشن کے سکریٹری چودھری حارث الحق اور جامعہ اسکول ٹیچرس ایسوسی ایشن صدر جمل حسین نقوی نے جامعہ مڈل اسکول کے نئی ہیڈ مسٹریس محترمہ نصرت جہاں اور جامعہ سینئر سیکنڈری اسکول کے نومنتخب پرنسپل ڈاکٹر ارشد خان کو پھولوں کے گلدستہ پیش کرکے دونوں کی پرتپاک استقبال کیانئے عہدے جوائن کرنے پر دلی مبارک باد پیش کیا۔ اس موقع پر چودھری حارث الحق نے جامعہ مڈل اسکول کے نئی ہیڈ مسٹریس محترمہ نصرت جہاں اور جامعہ سینئر سیکنڈری اسکول کے نومنتخب پرنسپل ڈاکٹر ارشد خان کو یقین دہانی کراتے ہوئے کہاکہ ہم جامعہ اسکول ٹیچرس ایسوسی ایشن کی آپ کو بھر پورتعاون رہے گا ، آ پ لوگ جامعہ اسکول کے حق میں جو بھی اچھا کام کریں گے ، جامعہ اسکول ٹیچرس ایسوسی ایشن آپ کے شانہ بشانہ کھڑے رہیں گے۔انھوں نے مزید کہاکہ جامعہ کی بہتری اور فلاح وبہبود کے لئے ہمیں جو بھی کام سونپیں گے ، ہم لوگ کماحقہ ¾ اس کو بحسن وخوبی انجام دینے کی کوشش کریں گے۔
جامعہ سینئر سیکنڈری اسکول کے نومنتخب پرنسپل ڈاکٹر ارشد خان نے کہاکہ تعلیم ہی سے ترقی ممکن ہے۔ہم لوگوں کو بچوں کی تعلیم وتربیت پر بھر پور دھیان دینا ہوگا۔ اگر ہم لوگ پوری ایمانداری سے کام کریں گے تو اس کے بہتر اور مثبت نتائج سامنے آئیں گے۔انھوں نے کہاکہ یہاں سے پہلے ہم مولاناآزاد نیشنل اردو یونیورسٹی کے نوح اسٹڈی سینٹر، دربھنگہ اسٹڈی سینٹر، نوودے اسکول اور این سی ای آرٹی میں وغیرہ میں اہم عہدے پر طویل عرصے تک کام کرچکے ہیں ۔ اس لئے ہم اپنے سابقہ تجربات کو بروئے کار لا تے ہوئے یہاں کے تعلیمی نظام کوبہتر سے بہتر بنانے کی بھر پورکوشش کریں گے اور جامعہ سینئر سیکنڈری کو اسکول کو تعلیم وتربیت کے میدان میں بلند مقام تک لے جائیں گے۔ جامعہ مڈل اسکول کے نو منتخب ہیڈ مسٹریس محترمہ نصرت جہاں نے کہاکہ ہم تمام اساتذہ کے ساتھ مل کر اسکول کی ترقی کے لئے ہر ممکن کوشش کریں گے اور جہاں پر جو خامیاں ہیں اس کو دور کر یں گے۔اس تقریب میں جامعہ اسکول ٹیچرس ایسوسی ایشن صدر جمل حسین نقوی اور دیگر استاذبھی شریک تھے۔
