صنعا (یواین آئی)یمنی حوثیوں نے ایک بار پھر اشارہ دیا ہے کہ غزہ میں جنگ بندی کے بعد وہ بھی بحیرہ احمر میں جہازوں کو نشانہ بنانے میں کمی کرتے ہوئے صرف اسرائیلی جہازوں تک اپنی کارروائیاں محدود کر سکتے ہیں۔حوثیوں کی طرف سے یہ مثبت اشارہ پیر کے روز سامنے آیا ہے۔ایرانی حمایت یافتہ حوثیوں کا یہ اعلان ایک ای میل میں ظاہر کیا گیا یے جو انہوں نے اتوار کے روز مختلف شپنگ کمپنیوں کو بھیجا تھا۔ ای میل سے لگتا ہے کہ حوثی نہیں چاہتے کہ وہ بین الاقوامی شپنگ کمپنیوں کی اس بارے میں مزید حوصلہ افزائی کریں کہ وہ اپنی کارگو خدمات کے لیے اشیاء اور تیل سے لدے جہازوں کو یورپ اور ایشیا کے درمیان نئے راستوں سے داخل کریں۔
حوثیوں کے حملے جہازوں کی ان نقل و حمل کو کافی حد تک متاثر کر چکے ہیں اور یہ جہاز مصر کے لیے ریونیوز میں کمی کا ذریعہ بنے ہیں جو نہر سویز کو بحیرہ احمر سے ملاتے ہوئے بحر متوسط تک راستہ دیتا ہے۔بین الاقوامی سطح پر میری ٹائم سیکیورٹی کے سلسلے میں سب سے بڑی ایسوسی ایشن ‘بمکو کے سربراہ جیکوب بیلارسن نے کہا ‘جنگ بندی کمزور ہو گئی ہے۔ اس لیے وہ سمجھتے ہیں کہ اس جنگ بندی کی خلاف ورزی کسی ایک جانب سے معمولی سی بھی ہوگئی تو معاملہ دشمنی میں بڑھاوے کی طرف چلے گا۔ جس کے نتیجے میں حوثی دوبارہ سے جہازوں پر حملے شروع کر سکتے ہیں۔حوثیوں کے اس کے علاوہ دیے گئے ایک بیان میں بھی اسی طرح کا اشارہ ملتا ہے کہ وہ بحیرہ احمر میں اجنی کارروائیوں کو محدود کرنے کا فیصلہ کر ریے ہیں ۔ حوثیوں نے اپنا یہ بیان انسانی بنیادوں پر رابطہ کاری کے مرکز کے ذریعے جاری کیا ہے۔ یہ کہتے ہوئے کہ وہ پابندیوں کو روک رہے ہیں۔
