جمعیتہ علماءکے زیر اہتمام شہر ناندیڑ اور قندھار میں دینی تعلیمی بیداری مہم

ناندیڑ، ایک مو من کا سب سے بڑا سر ما یہ اس کا ایمان ہے اگر ایمان صحیح سلامت ہے تو وہ کا میاب ہے اگر ایمان درست نہیں ہے تو اگر چہ ساری دنیا اس کے پیروں میں ڈال دی جائے تو بھی وہ کا میاب نہیں ہو سکتا ہے۔ ان خیالات کا اظہار مولانا محمد عثمان فیصل قاسمی صاحب ( صدر جمعیتہ علماءضلع ناندیڑ) و دیگر معزز علماءکرام نے جمعیتہ علماءکے زیر اہتمام شہر ناندیڑ میں دینی تعلیمی بیداری مہم کے تحت نکالی گئی مکاتب کے ریلیوں اور پروگراموں سے خطاب کرتے ہوئے کیا۔ مولانا عثمان قاسمی صاحب نے مزید کہا کہ گذشتہ ماہ 24 جنوری سے پوری ریاست میں صوبائی صدر مولانا حافظ محمد ندیم صدیقی صاحب ( صدرجمعیتہ علماءمہا راشٹر) کی ہدایت پردینی تعلیمی بیداری مہم چلائی جا رہی ہے ،الحمد اللہ اب تک سینکڑوں مقامات پر دینی تعلیمی بیداری مہم کے پر وگرام جلسے ،کارنر میٹنگیں ،جلسے اور ریلیاں منعقد کی جا چکی ہیں ،کئی جگہوں پر جدید اور منظم مکاتب بھی قائم کئے جا چکے ہیں۔
اسی بابت گذشتہ کل ہمارے شہر ناندیڑ میں اپنے بچوں اور بچیوں کے اندردینی تعلیم وتربیت کا شوق پیدا کرنے ،اپنی نسلوں کو ارتداد سے بچانے،والدین کے اندر احساس ذمہ داری پیدا کرنے ،مکاتب کے نظام کو منظم کرنے ،مکاتب دینیہ سے محلے کے بچوں کو جوڑنے و دیگر اہم مقاصد کے پیش نظر مکاتب کی بچوں کی شہر کے مختلف محلوں میں دینی تعلیمی بیداری مہم ریلیاں نکالی گئیں جس میں بچوں نے بڑے جوش و خروش کے ساتھ حصہ لیا ،اس کے انتظام و انصرام میں جمعیتہ علماءضلع ناندیڑ کے صدرمحمد عثمان فیصل قاسمی صاحب، عبدالرحیم احمد خان مسعود خان، مولانا عبد الوحیدصاحب اشاعتی، محمد شعیب بھائی ہپی کلب، محمد عاصم صاحب ایم آر،حافظ محمد مذکر صاحب، حافظ جنید صاحب، مفتی رفیق صاحب قاسمی، مولانا عقیل صاحب اشاعتی، حافظ عبدالماجد، حافظ محمد جاوید صاحب، حافظ ابرار صاحب، جاوید بھائی، احمد بھائی وغیرہ میں پیش پیش تھے۔ اسی طرح دینی تعلیمی بیداری مہم کے سلسلے جمعیتہ علماءتعلقہ قندھار شریف کے جمیع عہدہ داران و اراکین کی ایک اہم نشست کل بروز 24 فروری بعد نماز عشاءبمکان ڈاکٹر غلام عبدالغفار صاحب منعقد ہوئی، دینی تعلیمی بیداری مہم سے متعلق امور کا جائزہ لیا گیا، مرحوم ببر محمد صاحب سابقہ صدر جمعیتہ علماءتعلقہ قندھار شریف کی خدمات کو خراج تحسین پیش کیا گیا اور مرحوم کےلئے دعاءمغفرت کی گئی، اس موقع پرجمعیتہ علماءتعلقہ قندھار شریف کی صدارت کےلئے متفقہ طور پر محمد عظیم الدین ببر محمد صاحب کا انتخاب عمل میں آیا،اس نشست میں جمعیتہ علماءضلع ناندیڑ کے ذمہ داران بھی موجود تھے،قاری محمداسعد صمدی صاحب( نائب صدر جمعیتہ علماءمرہٹواڑہ) کی دعاءپر مجلس کا اختتام عمل میں آیا۔