نئی دہلی ،آل انڈیا یونانی طبّی کانگریس کے سکریٹری جنرل ڈاکٹر سیّد احمد خاں نے جاری بیان میں اس امر پر خوشی کا اظہار کیا کہ یہ پہلا موقع ہے جب ہم یونائیٹڈ نیشن تک پہنچنے میں کامیاب رہے اور ہمارے قومی نائب صدر ڈاکرٹ ایس ایم حسین اس کی نمائندگی کر رہے ہیں۔ واضح ہو کہ مختلف شعبہ جات میں دنیا کی مستند اور حکومتوں سے منظور شدہ تنظیموں کے دوسو سے زائد ممالک کے نمائندے یونائیٹڈ نیشن، نیویارک، امریکہ میں جمع ہوئے۔ یونائیٹڈ نیشن نے پانی (Water) سے متعلق ایک فکر انگیز مہم شروع کی ہے جس کے چند اہم مقاصد میں صاف اور ستھرا پانی ہر انسان کو ملنا ممکن بنایا جائے۔ پانی کی کمی کے حالات دنیا کے کئی ممالک میں پیدا ہوچکے ہیں، ان کو دور کرنے اور مستقبل میں پھر سے ایسے حالات نہ پیدا ہوں، اس کے لیے لائحہ عمل تیار کیا جائے۔ پانی ہی زندگی ہے اور صحت مند زندگی کو قائم رکھنے کے لیے صاف پانی عوام کو مہیا کرانا یہ حکومتوں کی ذمہ داری ہے ، وغیرہ ایشوز اس میں شامل ہیں۔ پروگرام کا افتتاح یونائیٹڈ نیشن کے سکریٹری جنرل Antonio Guterres کی منظوری سے نیدرلینڈ حکومت کے نمائندے Mr. Henk Ovink اور تاجکستان حکومت کے نمائندے Mr. Sultan Rahimzoda نے کیا۔ یونائیڈ نیشن کے سکریٹری جنرل Antonio Guterres نے اپنی تقریر میں پانی کی اہمیت کو بتایا اور سبھی کو مل کر مستقبل میں آنے والی پانی کی کمی کو روکنے کے لیے اقدامات کرنے کی تلقین کی۔ انہوں نے دنیا کے مختلف ممالک سے آئے ہوئے مختلف شعبہ جات کے ماہرین کی تعریف کی اور کہا کہ کامیابی سب کو ساتھ مل کر چلنے سے حاصل ہوگی۔ حکومت نیدرلینڈ اور حکومت تاجکستان نے اس کانفرنس کی میزبانی کی اور اپنے اپنے اظہار خیال میں پانی سے متعلق فکر انگیز تقریر کی۔ 22 سے 24 مارچ 2023 تک منعقدہ انٹرنیشنل کانفرنس میں آل انڈیا یونانی طبّی کانگریس نے تنظیم کے قومی نائب صدر ڈاکٹر ایس ایم حسین کو یونائیٹڈ نیشن میں نمائندگی کی ذمہ داری سونپی ہے جس کو وہ بخوبی ادا کر رہے ہیں۔ انہوں نے کانفرنس میں بتایا کہ یونائیٹڈ نیشن کے "Sustainable Development Goal” کے Concept کو پورا کرنے کی طب یونانی میں پوری صلاحیت موجود ہے۔ طب یونانی ایک مکمل سائنس اور صحت کو قائم رکھنے کا ایک مکمل سائنسی نظام ہے۔ Concept of Water is Life طب یونانی میں پہلے سے موجود ہے۔ دنیا آج پانی کی کمی سے پریشان ہے۔ اگر طب یونانی کے ماہرین کو اور طب یونانی میں تحقیق کو تیز کیا جائے تو کسی حد تک طب یونانی پانی کی کمی کے مسائل کو دور کرنے میں کارآمد ثابت ہوسکتی ہے۔
