ممبئی،( آئی این ایس انڈیا ) آسٹریلیا کے سابق کپتان مائیکل کلارک نے روہت شرما کے مسلسل خراب اسکور کو طول نہیں دیا لیکن کہا کہ تھکے ہوئے ہندوستانی کپتان کو T20 ورلڈ کپ سے قبل تازہ دم ہونے کے لیے بریک کی ضرورت ہے۔اگلے ماہ ٹی 20 ورلڈ کپ میں ہندوستان کی کپتانی کرنے جارہے روہت شرما پچھلی پانچ اننگز میں چار بار ڈبل فیگر تک نہیں پہنچ سکے۔ اس سال آئی پی ایل سے پہلے روہت نے پانچ ٹیسٹ میچوں کی سیریز کھیلی تھی۔کلارک نے اسٹار اسپورٹس کو بتایاکہ روہت اپنی کارکردگی کا بہتر اندازہ لگا سکتے ہیں۔ وہ مایوس ہو گا، خاص طور پر اس نے جتنی شاندار شروعات کی تھی۔ میرے خیال سے وہ تھکا ہوا بھی ہے۔انہوں نے کہا کہ ایسی صورتحال میں خود کو تروتازہ کرنے کے لیے وقفہ بہت ضروری ہے۔ لیکن وہ ممبئی انڈینز کے بھی اہم کھلاڑی ہیں۔ اس کے لیے وقفہ لینا مشکل ہے۔ اسے فارم میں واپسی کی ضرورت ہے۔ روہت جیسے کھلاڑی کے لیے یہ مشکل نہیں ہے۔ وہ اتنا باصلاحیت ہے کہ اسے اپنی فارم کا زیادہ انتظار نہیں کرنا پڑے گا۔کلارک نے ہاردک پانڈیا کی بھی تعریف کی جنہوں نے سن رائزرس حیدرآباد کے خلاف سات وکٹوں کی جیت میں تین وکٹیں حاصل کیں۔ کلارک نے کہاکہ وہ پچھلے کچھ میچوں میں وکٹیں لے رہے تھے۔ ایک آل راؤنڈر کے لیے، ایک شعبے میں کامیابی دوسروں کا اعتماد بحال کرتی ہے۔خیال رہے کہ ٹیم انڈیا نے کپتانی کی ذمہ داریاں ایک بار پھر روہت شرما کو سونپنے کا فیصلہ کیا ہے، ہاردک پانڈیا آئندہ ٹی ٹوئنٹی ورلڈ کپ 2024 کے لیے نائب کپتان ہوں گے۔ رشبھ پنت کے پاس بین الاقوامی کرکٹ میں واپسی کا بڑا موقع ہو سکتا ہے۔ ٹیم میں شامل جس پریت بمراہ، رویندرا جڈیجہ، کلدیپ یادو، اور یوزویندر چاہل جیسے ہیوی ویٹ گیند بازوں کو بی سی سی آئی نے منتخب کیا ہے۔ ہندوستان کی گزشتہ دو ٹی ٹوئنٹی ورلڈ کپ مشن کا حصہ رہے کے ایل راہل کو اس بار باہر رکھا گیا ہے اور نوجوان بلے بازوں جیسے شبھ من گل اور رنکو سنگھ کو ریزرو کے طور پر رکھا گیا ہے۔
