سید پرویز قیصر
نئی دہلی کے ارون جیٹلی اسٹیٖڈیم میں کھیلے گئے میچ میں دہلی کیپٹلس کے سمیر رضوی نے ممبئی انڈینس کے خلاف شاندار بلے بازی کا مظاہرہ کرتے ہوئے73 منٹ میں51 بالوں پر سات چوکوں اور سات چھکوں کی مدد سے90 رن بنائے اور اپنی ٹیم کی چھ وکٹ کی کامیابی میں ایک اہم کردار ادا کیا۔ اس شاندار کارکردگی کی بدولت انہیں مین آف دی میچ ایواڑ سے نوازا کیا۔ ان کا یہ مین آٖ ف دی میچ ایوارڈ انڈین پریمیر لیگ کے لگاتار تین میچوں میں تیسرا تھا۔ وہ انڈین پریمیر لیگ میں مین آٖ ف دی میچ ایوارڈ کی ہیٹ ٹرک کرنے والے ساتویں کھلاڑی بنے۔ ابھی تک کسی کھلاڑی نے لگاتار چار مرتبہ مین آٖ ف دی میچ ایوارڈ حاصل نہیں کیا ہے۔ ان کا یہ اسکور انڈین پریمیر لیگ میں ہی نہیں ونٹی ٹونٹی کرکٹ میں بھی سب سے زیادہ اسکور تھا۔
اتر پردیش کے شہر میرٹھ سے تعلق رکھنے والے سمیر رضوی نے پہلا مین آٖ ف دی میچ ایوراڈ گذشتہ سال انڈین پریمیر لیگ کے آخری میچ میں حاصل کیا تھا۔ پنجا ب کنگس کے خلاف جے پور میں24 مئی2025 ہوئے میچ میں انہوں نے45 منٹ میں25بالوں پر تین چوکوں اور پانچ چھکوں کی مدد سے آوٹ ہوئے بغیر58 رن بنائے تھے اور اپنی ٹیم کی پانچ وکٹ کی جیت میں ایک اہم کردار ادا کیا تھا۔ اس میچ میں انہیں مین آٖ ف دی میچ ایوارڈ ملا تھا۔
اس سیزن کے پہلے میچ میں بھی انہوں نے دہلی کیپٹلس کو ناصرف مشکلات سے نکالا بلکہ اسے چھ وکٹ سے کامیابی دلانے میں ایک اہم کردار ادا کیا۔77 منٹ میں47 بالوں پر پانچ چوکوں اور چار چھکوں کی مدد سے آوٹ ہوئے 70 رنوں کی بدولت دہلی کیپٹلس جیتی اور انہیں مین آف دی میچ ایوارڈ دیا گیا۔ ان کا یہ اسکور انٖٖڈین پریمیر لیگ میں سب سے زیاد ہ اسکور بھی تھا۔
جنوبی افریقہ سے تعلق رکھنے والے جیک کالیز انڈین پریمیر لیک میں مین آف دی میچ ایوارڈ کی ہے ٹرک کرنے والے پہلے کھلاڑی تھے۔ انہوں نے ایسا2010 میں رائل چیلنجرس بنگلورو کی جانب سے کھیلتے ہوئے کیا تھا۔پنجاب کنگس کے خلاف بنگلورو میں 16, مارچ کو ہوئے میچ میں انہوں نے چار اوور میں39 رن دیکر ایک وکٹ لینے کے بعد55 بالوں پر آٹھ چوکوں اور پانچ چھکوں کی مدد سے آوٹ ہوئے بغیر89 رن بنائے تھے اوراپنی ٹیم کی آٹھ وکٹ کی جیت میں ایک اہم کردار اداکیا تھا۔18 مارچ کو اسی میدان پر راجستھان رائلز کے خلاف میچ میں چار اوور میں 20 رن دینے کے بعد34 بالوں پر سات چوکوں کی مدد سے آوٹ ہوئے بغیر 44 رن بنانے میں کامیاب رہے تھے۔ انکی ٹیم دس وکٹ سے میچ جیتی اور ان کو مین آف دی میچ ایوارڈ ملا۔ ممبئی میں ممبئی انڈینس کے خلاف میچ میں انکی ٹیم کو سات وکٹ سے جیت ملی اور وہ لگاتار تیسری مرتبہ مین آ دی میچ بنے۔ اس میچ میں انہوں نے پہلے چار اوور میں 35 رن دیکر ایک کھلاڑی کو آوٹ کیا اور پھر55 بالوں پر دس چوکوں کی مدد سے آوٹ ہوئے بغیر66 رن بنائے۔
دہلی کیپٹلس کے وریندر سہواگ نے2012 میں، گجرات لائنیس کے ایرون فنچ نے2016میں، رائل چیلنجرس بنگلورو کے وراٹ کوہلی نے 2016 میں، جوس بٹلر نے 2022 میں راجستھان رائلز کے لئے اور چنئی سپر کنگس کے ریتو راج گائیکوار نے 202 میں چنیی سپر کنگس کیلئے مین آٖ دی میچ ایوارڈ کی ہیٹ ٹرک کی ہت۔ انہوں نے ایسا ہندوستان سے باہر یعنی دوبئی اور ابوظبہی میں کھیلے گیت میچوں میں کیا تھا۔ 3
فیصل فیچرس
