بیدر، الحمد للہ امسال شاہین گروپ آف انسٹی ٹیوشنس بیدر کرناٹک میں حفاظ کو عصری تعلیم سے جوڑنے کا پروگرام گذشتہ 12سال سے نہایت ہی کامیابی کے ساتھ چل رہا ہے ۔کرناٹک میں پی یو سی سالِ دوم2023 (12ویں ) کے نتائج آئیں ہیں ۔امسال بھی بھی حفاظ طلباء نے تاریخ رقم کرتے ہوئے پی یو سی سائنس سالِ دوم (12ویں)میں شاندار نتائج لائے ہیں ۔الحمد للہ مجموعی طورپر 96.55فیصد نتائج آئے ہیں ۔امسال 58حفاظ نے امتحا ن تحریر کیا جس میں 8حفاظ نے امتیازی کامیابی (ڈسٹنکشن )حاصل کئے ہیں ۔فرسٹ کلاس 36حفاظ ،سکینڈ کلاس 10اور پاس کلاس 3حفاظ نے کامیابی حاصل کی ہے ۔
امتیازی نشانات سے کامیابی حاصل کرنے والے حفاظ طلباء کی تفصیلات اس طرح ہیں ۔حافظ خدیجہ اعجاز (ہبلی کرناٹک) AICUمیں ایک ماہ تربیت کے بعد راست جماعت دہم کا امتحان دے کر کامیابی حاصل کی اور پی یو سی سالِ دوم میں جملہ559نمبرات کے ساتھ 93.17فیصد نشانات حاصل کئے ۔حافظ محمد سیف علی (گیا بہار)نے چہارم جماعت تک تعلیم حاصل کرنے کے بعد AICUمیں 3ماہ کی تربیت کے بعد راست جماعت دہم میں کامیابی حاصل کی اورپی یو سی سالِ د وم میں جملہ 548نمبرات کے ساتھ .33 91فیصد نشانات حاصل کئے ۔حافظ محمد صادق حسین (صاحب گنج جھارکھنڈ) نے چہارم جماعت تک تعلیم حاصل کرنے بعد AICUمیں3ماہ تربیت کے بعد راست جماعت دہم میں کامیابی حاصل کی اورپی یو سی سالِ دوم میں جملہ 546نمبرات کے ساتھ91.00فیصد نشانات حاصل کئے ۔حافظ عزیر شاہ (بنگلور کرناٹک)نے جماعت نہم تک تعلیم حاصل کرنے کے بعد ایک ماہ AICUمیں تربیت کے بعد راست جماعت دہم میں کامیابی حاصل کی اورپی یو سی سالِ دوم میں جملہ 542نمبرات کے ساتھ 90.33فیصد نشانات حاصل کئے ۔حافظ میں بلال (منگلور کرناٹک) پنجم تا نہم تک حاصل کرنے کے بعد ایک ماہ AICUمیں تربیت کے بعد راست جماعت دہم میں کامیابی حاصل کی اور پی یو سی سالِ دوم میں جملہ 542نمبرات کے ساتھ 90.33فیصد نشانات حاصل کئے ۔حافظ محمد سلیم (بستی اُترپردیش)نے جماعت پنجم تک تعلیم حاصل کرنے کے بعد 4ماہ AICUمیں تربیت کے بعد راست جماعت دہم میں کامیابی حاصل کی اور پی یو سی سالِ دوم میں جملہ 537نمبرات کے ساتھ 89.50فیصد نشانات حاصل کئے ۔حافظ محمد زبیر (بلاری کرناٹک)نے ایک ماہ AICUمیں تربیت کے بعدراست جماعت دہم میں کامیابی حاصل کی اور پی یو سی سالِ دوم میں جملہ 519نمبرات کے ساتھ 86.50فیصد شنانات حاصل کئے ۔حافظ محمد سفیان پٹے دار (یادگیر کرناٹک)نے ایک ماہ AICUمیں تربیت کے بعد راست جماعت دہم میں کامیابی حاصل کی اور پی یو سی سالِ دوم میں جملہ511نمبرات کے ساتھ 85.17نشانات حاصل کئے ۔گذشتہ 12سال سے ایک بڑی تعداد میں حفاظ عصری تعلیم سے جُڑ رہے ہیں اور ملک کے بڑے علماء کرام کی تائیدو ستائش حاصل ہوتی رہی ہے۔
ان تجربات کی بنیاد پر علماء و دانشورحضرات کی سرپرستی میں ایک نیا منصوبہ ’’مدرسہ پلس ‘‘ کے نام سے شروع کیا گیا جس کی تمام تفصیلات ہماری ویب سائٹ www.madarsaplus.org پر حاصل کی جاسکتی ہیں ۔ڈاکٹر عبدالقدیر چیئرمین شاہین ادارہ جات بیدر کرناٹک نے مسلمانانِ ہند سے گذارش کی ہے کہ وہ حفاظ تک اس پروگرام کو پہنچائیں خصوصاً ویب سائٹ پر رجسٹریشن اور تفصیلات کی آگہی میں حفاظ کی مدد فرمائیں ۔
