سوپول (محمد ابوالمحاسن (امارت شرعیہ قوم و ملت کا دھڑکتا ہوا دل ہے جس نے ہر موڑ پر باشندگان ہند کی صحیح رہنمائی فرمائی ہے ،جب جیسی ضرورت پیش آئی امارت شرعیہ نے سب سے پہلے قدم بڑھاکر لوگوں کی ضرورتوں کو پوری کیا ابھی چند ایام قبل شاہ پور پرتھوی پٹی بلاک سرائے گڑھ ضلع سوپول میں آتش زدگی کا بھیانک حادثہ پیش آیا جس نے پورے محلہ کو جلاکر راکھ کردیا تقریباً اکیس افراد کے مکانات و جملہ سامان نظر آتش ہوگئے، قریب دنوں میں محلہ کی دوبچیوں کی شادی بھی طے تھی شادی کے تمام سامان زیورات اور نقد رقم بھی جل کر خاکستر ہوگئے، مقامی لوگوں نے جیسے ہی اس حادثے کی اطلاع ناظم امارت شرعیہ حضرت مفتی محمد سعید الرحمان قاسمی صاحب کو دی تو انہوں نے فوری کارروائی کرتے ہوئے مولانا محمد ابوالقاسم رحمانی صاحب قاضی شریعت دارالقضاء امارت شرعیہ گودام والی مسجدضلع سوپول کی معیت میں ایک وفد کو جائے حادثہ پر جائزہ کے لیے روانہ کیا چنانچہ جناب مولانا محمد ابوالقاسم رحمانی صاحب، جناب مولانا زین الحق صاحب مبلغ امارت شرعیہ ،جناب قاری محمد نجم الدین رحمانی صاحب جوائنٹ سیکرٹری تنظیم امارت شرعیہ ضلع سوپول اور جناب ماسٹر محمد یوسف صاحب نائب سکریٹری تنظیم امارت شرعیہ سرائے گڑھ ضلع سوپول نے وہاں پہونچ کر معائنہ کیا اور تفصیلی رپورٹ دفتر امارت شرعیہ کو ارسال کیا رپورٹ پر فوری کارروائی کی گئی اورحضرت امیر شریعت دامت برکاتہم کی ہدایت اور حضرت مولانا مفتی محمد سعید الرحمان قاسمی صاحب ناظم امارت شرعیہ بہار اڈیشہ جھارکھنڈ و مغربی بنگال کے حکم سے متاثرین کے درمیان گرم کپڑے ،کمبل اور امدادی رقم (چیک) تقسیم کی گئی اور جناب ماسٹر محمد حماد احمد یزدانی سکریٹری تنظیم امارت شرعیہ تروینی گنج سوپول نے اپنے دوست و احباب کے تعاون سےمتاثرین کے لیے برتن، کپڑے وغیرہ کے ذریعہ امداد کی قاضی محمد ابوالقاسم رحمانی صاحب نے متاثرین کو تسلی بھرے کلمات کہے شاہ پور واطراف کے لوگوں نے امارت شرعیہ کے اس خدمت کو بہت سراہا امارت شرعیہ اور تمام کارکنان امارت شرعیہ کےلئے نیک دعائیں کی۔
