بلند شہر، سماج نیوز سروس: ڈوڈا محکمہ کی گورننگ باڈی کی ایک میٹنگ ضلع مجسٹریٹ چندر پرکاش سنگھ کی صدارت میں بلائی گئی۔ میٹنگ میں چیف منسٹر انڈر ڈیولپڈ سلم ڈیولپمنٹ اسکیم اور دین دیال انتودیہ اسکیم، نیشنل اربن لائیولی ہڈ مشن، سیلف ایمپلائمنٹ پروگرام، سماجی نقل و حرکت اور ادارہ جاتی ترقی، شہری بے گھر افراد کے لیے شیلٹر اسکیم کے تحت عام عوامی نمائندوں سے موصول ہونے والی تجاویز پر غور وخوض کیا گیا۔ وزیر اعظم خود انحصاری فنڈ پی ایم سیلف فنڈنگ اسکیم، ایف ا یس ٹی پی، شکتی رسوئی وغیرہ کی پیش رفت کا تفصیلی جائزہ لیا گیا۔ ا سکیموں کو چلانے میں درپیش مسائل کے حل کے لئے تفصیلی تبادلہ خیال کیا گیا۔ متعلقہ افسران کو سو فیصد ہدف حاصل کرنے کی ہدایت کی گئی۔ ضلع مجسٹریٹ کے ذریعہ ہدایات دی گئیں کہ بلدیات کو موصول ہونے والے کاموں کی تجاویز کو موقع پر چیک کر کے دیکھا جائے کہ آیا حکومت کے حکم کے مطابق تجاویز تیار کی گئی ہیں یا نہیں۔ قواعد سے الگ ہٹ کر کوئی کام قبول نہ کیا جائے۔ سا تھ ہی ضلع مجسٹریٹ نے پروجیکٹ آفیسر ڈوڈا کو ہدایت دی کہ وہ وقتا فوقتا جائزہ اجلاس منعقد کریں اور تمام اسکیموں کے اہداف کی بروقت تکمیل کو یقینی بنائیں۔ میٹنگ میں سی ڈی او کلدیپ مینا، ایڈیشنل ڈسٹرکٹ مجسٹریٹ ایڈمنسٹریشن؍پروجیکٹ ڈائرکٹرڈوڈا ڈاکٹر پرشانت کمار، سٹی مجسٹریٹ چندر پرکاش پریہ درشی، پروجیکٹ آفیسرڈوڈا مسز رجنی سنگھ اور دیگر متعلقہ افسران موجودرہے ۔
