سید پرویز قیصر
سوئٹزر لینڈ ایسا واحد ملک ہے جس نے اب تک ہوئے سبھی اولمپک کھیلوں میں شرکت کی ہے۔ اس نے ان اولمپک کھیلوں میں بھی شرکت کی ہے جن میں بعض ممالک نے کسی وجہ سے بائیکاٹ کیا تھا۔یونان کی راجدھانی ایتھنس میں جب پہلے اولمپک کھیل 1896میں ہوئے تھے تو اس کے تین کھلاڑیوں نے اس میں شرکت کی تھی۔ سوئٹزرلینڈ نے اس کھیلوں میں کل تین تمغہ جیتے تھے جس میں ایک طلائی اور دو نقرئی تمغے شامل تھے۔یہ تینوں تمغے ایک ہی کھلاڑی نے جیتنے تھے اور وہ کھلاڑی لوئیس زوٹر تھے ۔ انہوں نے جمناسٹکس میں یہ تمغے جیتے تھے۔
لندن میں 1908 میں ہوئے اولمپک کھیلوں اور اسٹاک ہوم میں1912 ہوئے اولمپک کھیلوں میں سوئٹزر لینڈ کو کوئی بھی کھلاڑی تمغہ نہیں جیتا سکا۔ ان دونوں اولمپک کھیلوں میں اسکے ایک ایک کھلاڑی نے شرکت کی تھی۔ ان دو اولمپک کھیلوں کے علاوہ سوئٹزر لینڈ کے کھلاڑیوں نے ہر اولمپک کھیل میں تمغے جیتے ہیں۔ ملبورن میں1956 میں ہوئے اولمپک کھیلوں نے سوئٹزر لینڈ نے بائیکاٹ کیا تھا کیونکہ سوویت یونین نے ہنگری پر قبضہ کرلیا تھا۔ ان اولمپک کھیلوں میں شہ سواری کے مقابلے اسٹاک ہوم میں ہوئے تھے کیونکہ آسڑیلیا میں باہر سے آنے والے گھوڑوں پر پابندی تھی۔اسٹاک ہوم لیگ میں سوئٹرز لینڈ کے تین کھلاڑیوں نے شرکت کرکے ایک کانسہ کا تمغہ جیتا تھا۔
سوئٹزرلینڈ نے سب سے زیادہ کھلاڑی برلن میں 1936 میں ہوئے اولمپک کھیلوں میں بھیجے تھے۔ ان کھلیوں میں اسکے190 کھلاڑیوں نے شرکت کی تھی جو15 تمغے جیتنے میں کامیاب رہے تھے۔ ان میں ایک طلائی، نو نقرئی اور پانچ کانسہ کے تمغے شامل تھے۔ سوئٹزرلینڈ نے سب سے زیادہ تمغہ پیرس میں 1924 میں ہوئے اولمپک کھیلوں میں حاصل کئے تھے۔ ان کھیلوں میں اس نے141 کھلاڑیوں نے شرکت کی تھی جو24 تمغے جیتنے میں کامیاب ہوئے تھے جس میں سات طلائی، آتھ نقرئی اور دس کانسہ کے تمغے شامل تھے۔ تمغوں کی فہرست میں اس نے چھٹا مقام حاصل کیا تھا۔ پیرس میں 1900 میں ہوئے اولمپک کھیلوں میں اس نے پانچواں مقام حاصل کیا تھا جو اس کی اب تک کی سب سے اچھی کارکردگی ہے۔ ان کھیلوں میں اس کے18 کھلاڑی نو تمغے جیتنے میں کامیاب رہے تھے جس میں چھ طلائی، دو نقرئی اور ایک کانسہ کا تمغہ شامل تھا۔
اولمپک کھیلوں میں دو مرتبہ اپنا کھاتہ نہ کھلولنے والے سوئٹزرلینڈ کی کھلاڑیوں کی تمغوں کے ساتھ سب سے سب سے خراب کارکردگی بارسلونا میں1992 میں ہوئے اولمپک کھیلوں میں رہی تھی۔ اس کھیلوں میں اسکے 102 کھلاڑیوں نے شرکت کی تھی اور صرف ایک طلائی تمغہ کے ساتھ اس کو37 واں مقام ملا تھا۔
ٹوکیو میں 2020 میں ہونے والے اولمپک کھیل جو کرونا کی وجہ سے ایک سال بعد ہوئے تھے، سوئٹزر لینڈ کے107 کھلاڑی کل13 تمغے جیتنے میں کامیاب رہے تھے جس میں تین طلائی، چار نقرئی اور چھ کانسہ کے تمغے شامل تھے۔ اس کھیلوں میں اسے24واں مقام حاصل ہوا تھا۔
پیرس میں جاری اولمپک کھیلوں میں سوئٹزر لینڈ کے127 کھلاڑی شرکت کررہے ہیں۔ ان کھلاڑیوں نے ایک نقرئی اور ایک کانسہ کا تمغہ جیتا ہے۔ ٹراٹھلون میں جولی ڈیرون نے نقرئی تمغہ حاصل کیا ہے جبکہ اودرے گوگنیات نے شوٹنگ میں کانسہ کاتمغہ حاصل کیا ہے۔
