نئی دہلی، ادارہ دعوت القرآن یتیم خانہ جین مندر دلشاد کالونی کاانجمن طلبہ بزم مجیب کا اختتامی اجلاس کل رات دارالحفظ میں منعقد ہوا جس کی صدارت مولانا منہاج احمد قاسمی نے فرمائی اور نظامت کے فرائض مولوی مزمل ارریاوی نے انجام دیے۔ قرات قاری فاروق استاذ تجوید نے کی، مولوی یونس اور حافظ مولانا مستقیم قاسمی نے دعا کی جبکہ مقررین مےں مولانا اویس قاسمی،مولانا عبد الحق ارریاوی اور مولوی ہارون قاسمی تھے پروگرام میں بیس افراد پر مشتمل دلچسپ مکالمہ پیش کیا گیا۔مولانا منہاج احمد مہتمم نے تقریر کے قواعد و ضوابط پر بہترین تقریر کی اور انجمن میں بڑھ چڑھ کر حصہ لینے کی ترغیب سمیت امت مےں پھیلی بے راہ روی پر تفصیل سے بات کی۔، بزم مجیب کے اساسی اہم رکن حافظ معراج احمد ،مولوی مختار عالم فیضی،حافظ ابوالبشر فیضی بزم مجیب نے وابستگان کو مبارکباد دی۔ اس کے بعد اراکین نے اپنے کلیدی خطاب میں اورنگزیب عالمگیر رحمہ اللہ کی حکومت پر تفصیلی روشنی ڈالتے ہوئے کہا کہ اورنگزیب عالمگیر رحمہ اللہ نے ملک کی ترقی کے لیے بڑی قربانیاں دی ہیں، انہوں نے ہمیشہ ملک کی ترقی کے لیے کوشاں رہے۔ اورنگزیب عالمگیر نے جتنی وسیع سلطنت پر حکومت کی کسی اور بادشاہ نے حکومت نہیں کی، ان کی بادشاہت امن و سکون کی مظہر تھی، اورنگزیب عالمگیر رحمہ اللہ نے ملک کے باسیوں سے کبھی غفلت نہےںکیا۔ آج کچھ فرقہ پرست لوگ اس ملک پر حکومت کر رہے ہیں۔ ان کی تاریخ کو مٹانے کی کوشش کی جا رہی ہے، مولانا ہارون قاسمی نے کہا کہ ہمیں اپنی روشن اور تابناک تاریخ کو یاد رکھنا چاہیے اور اسے لوگوں کے سامنے بیان کرنا چاہیے، انہوں نے کہا کہ جو قوم اپنی تاریخ بھول جائے اسے جینے کا کوئی حق نہیں۔ وہ اپنی ہمت اور قدر کھو بیٹھے، انہوں نے کہا کہ آج نظریات اور تہذیبوں کی جنگ ہے، اسلام اور مسلمانوں کو نشانہ بنایا جا رہا ہے، کیونکہ اس وقت اسلام پوری دنیا میں سب سے تیزی سے پھیل رہا ہے، یہ ایک ایسا مذہب ہے، جس کو روکنے کے لیے اسلام، مختلف مذاہب کے لوگ اسلام کا امیج خراب کر رہے ہیں، اسلامی قوانین کے خلاف منفی پروپیگنڈہ کر رہے ہیں، اسلام کے خلاف لوگوں کے دلوں میں زہر گھول رہے ہیں، یہ وقت کی ضرورت ہے، اسلام کی خوبیاں لوگوں کے سامنے بیان کی جائیں، انہوں نے کہا کہ اس ملک میں اسلام اخلاق و کردار کی وجہ سے پھیلا، نفرت کے اس ماحول میں دوبارہ اخلاق و کردار اپنانے کی اشد ضرورت ہے۔ اجلاس کا اختتام حضرت مہتمم صاحب کی تقریر پر ہوا جس میں انہوں نے اراکین بزم مجیب اور رفقائے کار کو پروگرام کی کامیابی پر مبارکباد پیش کی اور کہا کہ ملک و قوم کے صحیح تحفظ کی ذمہ داری طالبان پر عائد ہوتی ہے۔ امت مسلمہ کے حالات پر نظر رکھنا ضروری ہے، یہاں کے مفاد کے لیے آج ہمارے خلاف ہر طرف سازشیں ہو رہی ہیں، لیکن اس سے ڈرنے کی ضرورت نہیں، بلکہ اسلام کے پیغام کو عام کرنے کی ضرورت ہے۔جلسہ مےں مہمانان مولانا مکرم قاسمی نگراں مدینةالعلومم نئی سیما پوری، تقریب میں مولانا حدیث اللہ، مفتی اکرم، مولانا تومناظرالاسلام قاسمی ، مولانا ابوبکر، مولانا ابوالحیات، مفتی مستقیم خان بستوی، حافظ عبیداللہ صدیقی، مولانا عظیم اللہ صدیقی اور ماسٹرنوشاد ،انسپکٹر قمرالدین خان ،ضمیر خان ،عمران خان ، مولانا مقیم سنبھلی وغیرہ نے خصوصی طور پر شرکت کی۔ طلباءکی بڑی تعداد موجود تھی۔
