نئی دہلی، آج مائنارٹیز ڈیولپمنٹ فیڈریشن تنظیم نے ممبر اسمبلی سوم دت شرما سے ملاقات کی اور گورنمنٹ سرودیا کنیہ سینئر سیکنڈری اسکول، پل بنگش، آزاد مارکیٹ بارہ ہندو راؤ دہلی 6 میں واقع ، کی حالت سے آگاہ کیا۔ یاد رہے تقریباً 7 سے 8 سال قبل یہ گرلز سکول عمارت کی خستہ حالی کی وجہ سے بند کر دیا گیا تھا اور یہاں کے بچے دور دراز اسکولوں میں جانے پر مجبور کر دیئے گئے تھے تب سے آج تک اس اسکول کی عمارت تعمیر ہونے کے انتظار میں بند پڑی ہے اور یہاں کے بچے دور اسکول جانے پر مجبور ہیں۔ یہ اپنی پڑھائی چھوڑ کر گھر بیٹھے ہیں ، آج سومدت شرما جی سے درخواست کی کہ اس اسکول کی عمارت کو جلد از جلد تعمیر کروانے میں ہماری مدد کرے ۔ ممبر اسمبلی سومدت شرما نے اس اسکول کے تعلق سے اپنی طرف سے کی گئی کوششوں کا ذکر کیا اور۔سید شاہد راحت صدر مائنارٹیز ڈیولپمنٹ فیڈریشن تنظیم کے دیئے گئے شکایت خط پر فوراً ایکشن لیتے ہوئے ودھان سبھا صدر محترم رام نواس گوئل جی کو پتر لکھ کر ودھان سبھا ایجوکیشن سمیتی کو ایک جانچ کمیٹی بنائے جانے کی درخواست کی اور جلد اس اسکول کو آباد کرنے کے لیے جو ہو سکتا ہے کرنے کی یقین دھانی دلائی۔موقع پر ہمراہ ڈاکٹر نفیس قریشی،چودھری شاہد میاں،محمد حامد ویسڈم اکیڈمی اور تنظیم کے دیگر عہدیدار موجود تھے۔
