جالنہ، اس وقت شر پسند عناصر قانون کی پرواہ کئے بغیرملک کے امن و آشتی کو ختم کرنے اور اقلیتی طبقہ با الخصوص مسلمانوں کو ہراساں کرنے کےلئے پوری طرح سرگرم ہوچکے ہیں، جس کا تازہ ثبوت ضلع جالنہ کے انوا گاؤں تعلقہ بھوکردن کی جامع مسجد میں تراویح سنا رہے حافظ قرآن حافظ سعید ذاکر ابن سعید خواجہ میاں صاحب پر سماج دشمن عناصر کا جان لیوا حملہ کرنا ، اور ان کی داڑھی وغیرہ کاٹناہے، شر پسندوں کی جانب سے اس طرح کی حرکت کرنا پر امن ماحول کو بگاڑنے کی سازش ہے ،لیکن افسوس تو اس بات پر ہے کہ انتظامیہ ابھی تک مجرموں کو گرفتار کرنے میں ناکام ہے ،حکومت و انتظامیہ سے ہمارا مطالبہ ہے کہ مجرموں کو گرفتار کرکے سخت سے سخت سزادی جائے ، یہ باتیںآج یہاں جمعیتہ علماءمہاراشٹر کے صدر مولانا حافظ ند محمدیم صدیقی صاحب نےاخبارات کے لئے جاری اپنے ایک صحافتی بیان میں کہیں۔
واضح رہے کہ گذشتہ دو دن قبل انوا گاؤں تعلقہ بھوکردن ضلع جالنہ کی جامع مسجد میں تراویح سنا رہے حافظ قرآن حافظ سعید ذاکر ابن سعید خواجہ میاں صاحب پر چند سماج دشمن عناصر نے جان لیوا حملہ کیا اور شدید زدو کوب کرتے ہوئے ان کی داڑھی کاٹ دی ، اس واقعہ میں حافظ صاحب شدید طور پر زخمی ہوگئے ہیں، جن کا شہر اورنگ آباد کے اسپتال میں علاج و معالجہ جاری ہے۔ اس معاملہ میں پولس نے کیس درج کر لیا ہے لیکن شرپسند ابھی تک پولس کی گرفت سے باہر ہیں۔بتایاجارہا ہے کہ انوا کی جامع مسجد کا تعمیراتی کام جاری ہے، سلیب ہوچکا ہے، مسجد کا گیٹ وغیرہ نصب نہیں تھا، مسجد کے قریب عربی مدرسہ کی جگہ پر فی الحال تراویح کا نظم کیاگیا تھا، کل حسب معمول جب حافظ صاحب تراویح کی نماز کی تیاری میں مصروف تھے اور تلاوت قرآن پاک کررہے تھے تبھی تین چار شرپسند وہاں پہنچے اور مولانا کو بلایا اس کے بعد انہیں خوب مارا پیٹا اور ان کی داڑھی کاٹ دی، اس واقعہ سے گاؤ ں میں کشیدگی ہے،حالات کو قابو کرنے کےلئے پولس نے یہاں کرفیو نافذ کر دیا ہے۔
مولانا ندیم صدیقی نے مزید کہا کہ اس معاملہ کو لے جمعیتہ علماءضلع جالنہ کے ایک وفد نے ضلع ایس پی سے ملاقا ت کی اور بتایا کہ تعلقہ بھوکردن کے گاؤ ں انوا میں چند شرپسندوں نے جس طرح جامع مسجد کے امام حافظ ذاکر صاحب کو بے رحمی سے مارا پیٹا ہےا اور نیم مردہ حالت میں چھوڑکر فرار ہوا ہے۔ایک مذہبی آدمی کے ساتھ اس طرح کے واقعہ کی وجہ سے انواءبھوکردن ہی نہیں بلکہ پورے جالنہ ضلع میں لوگ تشویش میں ہیں اس لئے حافظ ذاکر صاحب پر زیادتی کرنے والے مجرموں کے خلاف سخت کارروائی کی جائے۔اس وفد میں قاضی شریعت ضلع جالنہ مفتی عبد الرحمن اشرفی ( نائب صدرجمعیتہ علماءمہا راشٹر ) مفتی فہیم مفتی سہیل مولانا حبیب حاجی عبدالحمید حاجی عمران حافظ اعزاز وسیم شیخ وغیرہ شریک تھے۔جمعیتہ علماءمہاراشٹرکے صدر مولانا ندیم صدیقی صاحب نے ہوم منسٹر ،ہوم سکریٹری ،ایسے ہی ضلع کلکٹر اور ضلع ایس پی سے رابطہ کرکے خاطیوںکے خلاف سخت ترین کارروائی کا مطالبہ کیا ہے، تاکہ شر پسند عناصر دوبارہ اس طرح کی حرکت کرنے سے کرنے کی ہمت نہ کرسکے۔
