کانگریس کے سابق صدر راہل گاندھی نے بھارتیہ جنتا پارٹی کی ڈبل انجن والی حکومت کو دھوکہ دہی قرار دیتے ہوئے کہا ہے کہ اس بار گجرات میں یہ دھوکہ نہیں چلے گا۔مسٹر گاندھی نے کہا کہ گجرات کے عوام بی جے پی کی ڈبل انجن والی حکومت کی حقیقت کو سمجھ چکے ہیں اور ریاست کے لوگ اس دھوکے سے آزاد ہوکر تبدیلی چاہتے ہیں۔ انہوں نے کہا کہ اگر کانگریس اقتدار میں حکومت بناتی ہے تو وہ عوام سے کئے گئے تمام وعدوں کو پورا کرے گی۔مسٹر گاندھی نے ٹویٹ کیا، "کانگریس 500 میں ایل پی جی سلنڈر، نوجوانوں کو 10 لاکھ ملازمتیں، 3 لاکھ کسانوں کا قرض معاف کرے گی۔ ہم نے گجرات کے لوگوں سے جو وعدے کیے ہیں وہ پورے کریں گے ۔ ہم بی جے پی کے ‘ڈبل انجن’ کے فریب سے بچائیں گے ، ریاست میں تبدیلی کا جشن منائیں گے ۔گجرات اسمبلی انتخابات کی تیاریاں زوروں پر ہیں، ریاست کی 182 اسمبلی سیٹوں کے لیے یکم اور 5 دسمبر کو ووٹنگ ہوگی اور نتائج کا اعلان 8 دسمبر کو کیا جائے گا۔
الیکشن میں کانگریس پارٹی مسائل پر بات کر رہی ہے اور عوام کو یقین دلا رہی ہے کہ پارٹی کس طرح سے ان مسائل کو حل کرے گی۔ دریں اثنا، راہل گاندھی نے کہا کہ اگر ریاست میں کانگریس پارٹی کی حکومت بنتی ہے تو وہ عوام کے لیے کیا کچھ کیا جائے گا۔
انہوں نے کہا کہ ’ہم گجرات کے عوام سے کئے گئے 8 وعدے پورے کریں گے۔‘راہل گاندھی نے ٹوئٹ کرتے ہوئے کہا ”پانچ سو روپے میں ایل پی جی سلنڈر، نوجوانوں کو 10 لاکھ نوکریاں، کسانوں کا 3 لاکھ تک کا قرض معاف- ہم گجرات کے لوگوں سے کیے گئے تمام وعدے پورے کریں گے۔ آپ کو بی جے پی کے ‘ڈبل انجن’ کے فریب سے بچائیں گے، ریاست میں تبدیلی کا جشن منائیں گے۔“کانگریس نے گجرات کے لوگوں سے کےے 8اہم وعدے گھریلو خواتین کے لیے گھریلو گیس سلنڈر 500 روپے میں،گھریلو بجلی کے 300 یونٹ مفت،سرکاری ملازمین کے لیے پرانی پنشن اسکیم،لڑکیوں کے لیے کے جی سے پی جی تک مفت تعلیم،تین ہزار نئے گورنمنٹ انگلش میڈیم اسکول،دس لاکھ سرکاری نوکریاں،کنٹریکٹ سسٹم ختم کر کے پکی نوکریاں،تین ہزار روپے مہینہ بے روزگاری الا¶نس،کورونا سے ہلاک ہونے والوں کے لواحقین کو چار لاکھ روپے کی امداد،جدید سہولیات سے آراستہ نیا سرکاری اسپتال،دس لاکھ روپے تک کا مفت علاج،گردے، جگر اور دل کی مفت پیوند کاری،مفت ادویات،کسانوں کا 3 لاکھ تک کا قرض معاف،کسانوں کا بجلی کا بل معاف،دودھ پیدا کرنے والوں کے لئے فی لیٹر 5 روپے کی سبسڈی، ڈرگ مافیا کے خلاف سخت کارروائی،کرپشن کے خلاف قانون اور قصورواروں کے خلاف سخت کارروائی،شہری علاقوں میں شہری روزگار گارنٹی اسکیم۔
