بہار میں اسمبلی انتخاب کی تیاری تو چھ ماہ پہلے سے شروع ہو چکی ہے اور دونوں مضبوط الائنس NDA اور INDIAاپنے اپنے طور پر عوام کے درمیان انتخابی مہم چلا رہے ہیں ۔لیکن یہ تجسس عام طور پر پایا جاتا ہے کہ کیا اس بار بھی تیجسوی یادو 2020کی طرح وزیر اعلی کی کرسی سے دور ہی رہ جائینگے ؟کیونکہ انڈیا الائنس کی سب سے بڑی پارٹی بی جے پی اس بار اپنے بل پر سرکار بنانے کا دعوی کر رہی ہے ۔آئیے دیکھتے ہیں بی جے پی کے اس دعوے کی ہوا نکالنے کے لئے انڈیا الائنس کیا کر رہی ہے ۔
انڈیا الائنس میں اب تک RJD، کانگریس، اور لیفٹ (CPI, CPI‑(M), CPI‑(ML)) کے ساتھ VIP کی شمولیت ہو چکی ہے اور رابطہ کمیٹی کی قیادت تیجسوی یادو کر رہے ہیں، تاکہ مشترکہ منشور، نشستوں کی تقسیم اور انتخابی حکمت عملی کا خاکہ تیار کیا جائے ۔سیٹوں کی تقسیم پر حتمی مذاکرات جاری ہیں، اور جلد اعلان متوقع ہے۔سی پی آئی ایم ایل کی جانب سے "بدلو بہار” یاترا بھی جاری ہے، جو عوامی رابطے اور انتخابی تیاریوں کو تیز کرتی ہے ۔
البتہ اندرونی اختلافات جیسے کانگریس کی 70 نشستوں کی مانگ، VIP کے ایشوز اور RJD و کانگریس کے مابین سیٹوں کی تقسیم پر ابھی ایک ایک جنگ ہونے کی توقع ہے اور یہ اس کی حکمت عملی کی کہانی میں بڑا چیلنج ہے ۔
مہاگٹھ بندھن اگر سیٹوں کی تقسیم پر اتفاق کر لے، تو اس کے پاس NDA کو چیلنج کرنے کا مضبوط بیانیہ ہوگا جو بے روزگاری، کرپشن اور معاشی عدم مساوات کی بنیاد پر قائم کیا جاسکتا ہے ۔ ادھر کچھ دنوں سے بہار میں تبدیلی کا جذبہ بھی پروان چڑھا ہے جو NDA حکومت اور نیتیش کمار کے خلاف جاری عوامی ناخوشی کو ظاہر کرتا ہے ۔ (جس میں لوک سبھا میں 60٪ تک عدم اطمینان کا اظہار اس کی طرف واضح اشارہ ہے ۔اور یہ عدم اطمینان انڈیا بلاک کے لیے ووٹ کی شکل میں ظاہر ہو سکتی ہے . قیاس آرائی ہو رہی ہے کہ AIMIM کی شمولیت بھی متحدہ محاذ میں ہوگی ۔اگر ایسا ہو گیا تو سیمانچل سمیت پورے بہار میں مہاگٹھ بندھن کو مسلم، پسماندہ، اور اقلیتی حلقوں سے ووٹ مل سکتے ہیں ۔لیکن ان خدشات سے بھی آنکھیں نہیں مودی جا سکتی کہ متحدہ محاذ میں شامل پارٹیوں کے مابین سیٹوں کا بٹوارہ پر امن نہیں رہنے والا ۔خاص طور پر کانگریس اور VIP کی بلند توقعات عوامی تاثر خراب کر سکتی ہیں، اور الگ الگ امیدوار میدان میں کھڑے ہو سکتے ہیں ۔RJD اور کانگریس کے درمیان مرکزیت کا سوال، اور VIP وغیرہ کے تحفظات اتحاد کو کمزور کرسکتے ہیں۔ایسے میں انڈیا بلاک کو چاہئے کہ وہ اپنی ان کمزوریوں پر قابو پاکر اگر حکمت عملی بنائیں تو انہیں کامیابی بھی مل سکتی ہے ۔خاص طور پر سیٹوں کی تقسیم جلد اور شفاف کریں تاکہ سیاسی بداعتمادی نہ پھیلے۔اس کے علاوہ مشترکہ منشور میں روزگار، تعلیم، صحت اور بنیادی ڈھانچے کو اجاگر کریں—خاص طور پر عوامی خدمات کے حوالہ سے۔AIMIM اور دیگر مقامی گروپس کو اعتماد میں رکھیں تاکہ علاقائی سازشوں سے بچا جائے۔نیتیش کمار اور NDA کی حکمت عملی کا جواب تیار رکھیں، مثلاً بیروزگاری ، مالی امداد، خواتین اور پسماندہ طبقات کے حق میں آواز بلند کریں۔رابطہ کمیٹی کے طے شدہ اجلاس کو شفاف انداز سے جاری رکھیں تاکہ اتحاد کے بیچ اعتماد بحال رہے۔ بہار کے اسمبلی انتخابات میں انڈیا بلاک کا مستقبل دو شے پر منحصر ہے:اندرونی ہم آہنگی — ایک مشترکہ، فعال اور شفاف اتحاد جو سیٹوں کی تقسیم میں دیر نہ کرے، اور مضبوط عوامی ایجنڈا — روزگار، مساوات، صحت و تعلیم جیسے عوامی ایشوز پر مبنی منشور۔اگر یہ دونوں شرائط پوری ہوں، تو NDA کے ایجنڈے کو بالواسطہ کمزور کیا جاسکتا ہے۔ بصورت دیگر، سیٹوں کی تقسیم کی کشمکش اور داخلی اختلافات اتحاد کو بنیاد سے کمزور کرسکتے ہیں اور ووٹرز کو مایوس کرسکتے ہیں۔مہاگٹھ بندھن کو آپسی بانڈ مضبوط، منشور بامعنی اور آزادی کے ساتھ عوام سے رابطہ برقرار رکھنا ہوگا، تبھی بہار میں نیا سیاسی اقتدار ممکن ہے۔
