نئی دہلی ،12جون ، ہماراسماج:جمعیۃ علما ضلع شمال مشرقی دہلی کا اجلاس بمقام مدینہ مسجد اندرا وہار مصطفیٰ آباد دہلی میں ضلع کے نائب صدر مولانا شکیل احمد قاسمی مہتمم جامعہ شاہ ولی اللہ لونی کی صدارت میں منعقد ہوا ۔جس میں مفتی محمد عاقل مکہ مسجد کی تلاوت ، وقاری ارشد جامعہ مدینۃ العلوم کی نعت النبی اور مفتی محمد عارف شاہد قاسمی سکریٹری جمعیۃ علما یونٹ مصطفی آباد کی نظامت سے پروگرام کا آغاز ہوا ۔ اولاً صدرِ مجلس مولانا شکیل احمد قاسمی کا مفصل خطاب اجلاس کی غرض و غایت کے عنوان سے ہوا جس میں انھوںکہانے مرکزی جمعیۃ علماہند کے حسنِ انتخاب پر ہمارے ضلع مشرقی دہلی کو مثالی ضلع بنانے کی کوشش و فکر کرنے پر شکریہ ادا کیا ۔جمعیۃ علماضلع مشرقی دہلی کے ناظم اور اس اجلاس کے روحِ رواں مولانا اخلاق قاسمی نے اپنے خیالات کا اظہار فرماتے ہوئے کہا ضلع کی تمام یونٹوں میں جمعیۃ علماکے جو بھی شعبہ جات قائم ہیں ان کو مزید مضبوط و مستحکم کرنے کی ضرورت ہے تاکہ ہر شخص تک جمعیۃ کا فیض مکمل طور پر پہنچ سکے بطور خاص امن فیلو شپ میں بھی شامل ہونے پر زور دیا ۔جمعیۃ علماضلع مشرقی دہلی کے صدرِ محترم نے بھی اپنے خیالات کا اظہار فرماتے ہوئے کہا ابھی ہمارے ضلع میں صرف آٹھ یونٹیں ہیں جبکہ ضلع کافی بڑا ہے یہ 8نہیں 16یونٹیں ہونی چاہئیں، جب کہیں کام قابو میں آسکے گا ، اور پھر جمعیۃ علماکے شعبہ دینی تعلیمی بورڈ دہلی کے صدرِ محترم اس اجلاس کے سرپرست اعلیٰ مولانا داؤد امینی مہتمم مدرسہ باب العلوم جعفر آباد دہلی نے اپنے مفصل اور کلیدی خطاب میں فرمایا جمعیۃ علما ہند ایک دستوری جماعت ہے اس کی پہچان اور طاقت آپ ہیں جمعیۃ علماآپ ہیں اس لئے آپ جمعیۃ علماکے تمام کام عبادت سمجھ کر کیا کریں جو میں یقین کے ساتھ کرتا ہوں ۔اور پھر الحمد للہ تمام یونٹوں کے صدور و نظمانے عزائم کئے کہ ہم انشاء اللہ اپنی اپنی یونٹوں میں جمعیۃکے جو شعبہ جات قائم ہیں ،ان میں مزید تیزی اور مضبوطی لائیںگے اور جو شعبہ ابھی تک شروع نہیں ہوسکے ان کو بھی بہت جلد شروع کریںگے ۔قابل ذکرہے کہ تمام ذمہ داران نے محکمہ شرعیہ کو بھی مضبوط کرنے کیلئے عزم مصمم کیا۔اس موقع پر جمعیۃعلماضلع شمال مشرقی دہلی کے عہد ِ داران ، ذمہ داران و ممبران بڑی تعداد میں موجود رہے ، جن میں مفتی شوقین قاسمی صدر جمعیۃ علمایونٹ مصطفی آباد دہلی ،مولانا محمد احمد کریمی القاسمی جنرل سکریٹری یونٹ مصطفی آباد ،مولانا شمس القمر امینی مدرسہ باب العلوم جعفر آباد ،مولانا اویس مدرسہ باب العلوم جعفرآباد، الحاج بابو میواتی ،مولانا طاہر خطیب دلشاد مسجد ،مفتی ثاقب ناظم مرکز المسلم ،مفتی انور بلال مسجد ،مولانا رضوان انجم ، قاری ولی اللہ خان مہتمم مدرسہ تجوید القرآن ،مولانا آس محمد تھانوی ،مفتی شاکر صدر یونٹ شیو وہار ،مفتی ریحان قاسمی ویلکم ،مفتی طاہر فاروقیہ مسجد ،قاری شہران ،مفتی حشمت قاسمی ،مفتی اسعد قاسمی ،مفتی سلیم اللہ خان ،مفتی جاوید نور مسجد ،قاری ارشد ناظم مدرسہ مدینۃ العلوم ،قاری مستقیم ،مولانا مزمل قاسمی ،مفتی شاہنواز سنہری مسجد ،مولانا انس منیٰ مسجد ،مولانا فرقان برجپوری ،مولانا شمیم مکی مسجد،مفتی عبد الرؤف ،حافظ انیس منیٰ مسجد ،مفتی فرقان صوفیہ مسجد ، مولانا روض الدین ،مولانا کلیم الدین،مفتی اکرم بلال مسجد کھجوری ،حافظ نزاکت چاند مسجد کھجوری ، الحاج اسلم خان وغیرہ ، بڑی تعداد عوام و خواص موجود رہے ۔بعد دعاانتظامیہ کی جانب سے اجلاس اور پر تکلف ظہرانہ کی تقریب میں شرکت فرمانے پر مہمانوں کو شکر یہ کے ساتھ رخصت کیا ۔
