نئی دہلی ، پریس ریلیز،ہماراسماج:انڈین یونین مسلم لیگ کے قومی جنرل سکریٹری اور کیرالہ اسمبلی میں اپوزیشن کے ڈپٹی لیڈر کنہالی کٹی نے کہا کہ مسلم لیگ مرکزی حکومت کے ان لوگوں کو شہریت کے سرٹیفکیٹ جاری کرنے کے خلاف ہے جنہوں نے سپریم کورٹ میں اسٹے پٹیشن کے باوجود شہریت کے لیے درخواست دی ہے۔ انڈین یونین مسلم لیگ پارٹی نے عدالت اور الیکشن کمیشن کا دروازہ کھٹکھٹایا۔انہوں نے مزید کہا کہ مرکزی حکومت نے انتخابی ضابطہ اخلاق کی خلاف ورزی کی ہے۔ سپریم کورٹ میں مرکز کی طرف سے دی گئی یقین دہانی پر جلد بازی میں عمل آوری نہیں کی جائے گی۔ لیکن اب عدالت کو گمراہ کرتے ہوئے سی اے اے نافذ کیا گیا ہے۔ حکومت نے الیکشن کے نتائج سے پہلیانتہائی غلط کام کیا ہے۔مسلم لیگ پارٹی ماہرین کی مشاورت سے قانونی چارہ جوئی کرنے سپریم کورٹ پہنچ چکی ہے۔اس موقع پر پارٹی کے سرپرست اعلی سید صادق علی شہاب تھنگل نے سپریم کورٹ کا رخ کر لیا ہے ۔انہوںنے حکومت کے اس اقدام کی سخت مذمت کرتے ہوئے کہا کہ جب حکومت ہی انتخابی ضابطہ اخلاق کی خلاف ورزی کرنے لگے تو جمہوری نظام پر سوالیہ نشان لگ جاتا ہے ۔کوئی پارٹی یا حکومت جمہوری اصول اور ضابطہ کے خلاف کیسے کوئی کام انجام دے سکتی ہے ۔؟اس طرح کے اقدام سے امریت کی بو آتی ہے اور جمہوری نظام پر آنچ آتی ہے۔
